حکومت صنعتکاروں کے مسائل حل کرنے کیلئے مخلصانہ کوششیں کر رہی ہے: خواجہ آصف
اشاعت کی تاریخ: 24th, January 2026 GMT
سیالکوٹ (نامہ نگار) وزیر دفاع خواجہ آصف نے سیالکوٹ چیمبر آف کامرس اینڈ انڈسٹری میں بزنس کمیونٹی کے ایک بڑے اجتماع سے خطاب کرتے ہوئے کہا ہے کہ حکومت سیالکوٹ کے صنعتکاروں کے مسائل حل کرنے اور شہر کو جدید سہولیات سے آراستہ کرنے کیلئے مخلصانہ کوششیں بروئے کار لا رہی ہے۔ اجلاس میں ایم پی اے چوہدری فیصل اکرام، گروپ لیڈر ریاض الدین شیخ اور صدر چیمبر سید احتشام مظہر سمیت دیگر عہدیداران نے شرکت کی۔ خواجہ آصف نے اس موقع پر اعلان کیا کہ شہر میں ٹریفک کے سنگین مسئلے پر قابو پانے کیلئے لاری اڈہ کو شہر سے باہر منتقل کرنے کے فنڈز موصول ہو چکے ہیں۔ ریلوے روڈ پر جدید پارکنگ پلازہ‘ لاہور کی طرز پر اندرون شہر کی سڑکوں کی تعمیر نو اور بجلی کی تاروں کو زیرِ زمین منتقل کرنے کا منصوبہ بھی ہے تاکہ شہر کی خوبصورتی میں اضافہ ہو سکے۔ علامہ اقبال لائبریری کو 10 کروڑ روپے کی لاگت سے ڈیجیٹلائز کر کے ایک جدید لائبریری میں تبدیل کیا جا رہا ہے جس میں ان کے والد خواجہ محمد صفدر مرحوم کی ذاتی کتب اور خدمات کا بڑا حصہ شامل ہے۔ انہوں نے شہر کے وسط میں 52 ایکڑ اراضی پر ایک شاندار پارک بنانے کی تجویز بھی پیش کی۔ حکومت پنجاب نے واسا کے نظام کی بہتری کیلئے 16 ارب روپے کی منظوری دی ہے جبکہ علامہ اقبال میموریل ہسپتال میں 700 بستروں کے بلاک پر کام کیا جائے گا۔ سیالکوٹ کھاریاں موٹروے کو 2029 تک مکمل کرنے کا ہدف مقرر کیا گیا ہے جس سے پورے خطے میں ترقی کے نئے دور کا آغاز ہوگا۔
.
ذریعہ
ذریعہ: Nawaiwaqt
پڑھیں:
پاکستان اور اٹلی کے سفارتی پاسپورٹ ہولڈرز کیلئے ویزا ختم کرنے کا معاہدہ
روم (ڈیلی پاکستان آن لائن) پاکستان اور اٹلی کے سفارتی پاسپورٹ ہولڈرز کے لئے ویزا ختم کرنے کا معاہدہ ہوگیا۔
نجی ٹی وی چینل دنیا نیوز کے مطابق پاکستان اور اٹلی کے سفارتی پاسپورٹ ہولڈرز کے لئے ویزا ختم کرنے کے معاہدے پر دستخط کی تقریب اٹلی وزارت خارجہ روم میں منعقد ہوئی۔ معاہدہ سفارتی وفود کے تبادلوں میں آسانی اور روابط مضبوط کرے گا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے