کراچی؛ بیرون ملک ملازمت کا جھانسہ دے کر بھاری رقوم بٹورنے والی خاتون گرفتار
اشاعت کی تاریخ: 24th, January 2026 GMT
کراچی:
وفاقی تحقیقاتی ادارہ (ایف آئی اے) اینٹی ہیومن ٹریفکنگ سرکل کراچی نے کارروائی کے دوران بیرون ملک ملازمت کا جھانسہ دے کر بھاری رقوم بٹورنے والی خاتون ملزمہ کو گرفتار کرلیا۔
ترجمان ایف آئی اے کے مطابق انسداد انسانی سرکل کراچی نے کارروائی کے دوران بیرون ملک ملازمت کا جھانسہ دے کر شہریوں سے رقوم بٹورنے میں ملوث خاتون کو کراچی سے گرفتار کر لیا ہے۔
ان کا کہنا تھا کہ گرفتار ملزمہ نے شہری کو ناروے بھجوانے کا جھانسہ دے کر 5 لاکھ روپے وصول کیے۔
ترجمان نے بتایا کہ ایف آئی اے کراچی زون کو ملزمہ کے خلاف متعدد شکایات موصول ہوئیں جبکہ ملزمہ کسی قسم کا اوورسیز امپلائمنٹ پروموٹر لائسنس فراہم کرنے میں ناکام رہی۔
انہوں نے بتایا کہ گرفتار ملزمہ کے خلاف تفتیش شروع کر دی گئی ہے۔
.
ذریعہ
ذریعہ: Express News
کلیدی لفظ: کا جھانسہ دے کر
پڑھیں:
کراچی: ڈاکٹر آکاش قتل کیس میں گرفتار 3 ڈاکو ساتھیوں کی فائرنگ سے ہلاک
کراچی (نوائے وقت رپورٹ) ڈاکٹر آکاش قتل کیس میں گرفتار تینوں ساتھیوں کی فائرنگ سے ہلاک ہوگئے۔ سپیشل انویسٹی گیشن (ایس آئی ایو) نے دعویٰ کیا کہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپہ مارا تو ملزموں نے فائرنگ کردی جس سے پولیس اہلکار بھی زخمی ہوگیا۔ ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔ 13 جولائی کو کراچی کے علاقے کلفٹن میں بنک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزم بنک سے نکالے گئے 50 لاکھ روپے میں سے 25 لاکھ لوٹ کر فرار ہو گئے تھے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم