کے پی حکومت کا دہشتگردی کے خلاف جنگ میں کوئی عملی کردار نظر نہیں آتا، وزیر دفاع خواجہ آصف
اشاعت کی تاریخ: 24th, January 2026 GMT
وزیر دفاع خواجہ آصف نے کہا ہے کہ وطنِ عزیز نے اللہ کے فضل اور شہدا کے لہو کی بدولت عزت اور وقار کے بلند مقام حاصل کیے ہیں، خیبرپختونخوا میں فوج دہشتگردوں کے خلاف لڑ رہی ہے مگر صوبائی حکومت کا کوئی عملی کردار نظر نہیں آتا۔
مزید پڑھیں: دہشتگردی کو پاکستان کی سرحدوں سے اٹھا کر بحرِ ہند میں ڈبو دیا جائے گا، وزیراعظم محمد شہباز شریف
سیالکوٹ میں تقریب سے خطاب کرتے ہوئے انہوں نے کہاکہ ہم نے گزشتہ سال ایک بڑی جنگ جیتی، پاکستانی افواج نے دشمن کے سامنے بے مثال بہادری دکھائی جبکہ دہشتگردی کے خلاف جاری جنگ کی مثال دنیا میں کہیں نہیں ملتی۔ شہدا کی قربانیوں کے سبب آج ملک میں امن قائم ہے اور عوام محفوظ ہاتھوں میں ہیں۔
خواجہ آصف نے خیبرپختونخوا میں دہشتگردی کے خلاف پاک فوج کی کوششوں کو سراہا اور کہا کہ صوبائی حکومت کا اس میں کوئی عملی کردار نظر نہیں آتا۔
انہوں نے کہاکہ پاک فوج نے دشمن کی پانچ گنا زیادہ طاقت کو شکست دی اور امریکی صدر ٹرمپ نے اس معرکے کا ذکر 62 مرتبہ کیا، جس میں 6 سے 8 بھارتی طیارے مار گرائے گئے۔ یہ معرکہ حق کی فتح تھی، جسے تاریخ ہمیشہ یاد رکھے گی۔
وزیر دفاع نے حکومت کی کارکردگی پر بات کرتے ہوئے کہاکہ 8 ماہ قبل پاکستانی پاسپورٹ عالمی درجہ بندی میں 140 ویں نمبر پر تھا، جو اب 98 ویں نمبر تک پہنچ چکا ہے۔
مزید پڑھیں: افغان سرزمین سے پاکستان میں دہشتگردی: طالبان حکومت بننے سے بہتری کا خیال غلط نکلا
انہوں نے اس پیشرفت میں پاک فوج کے کردار کو نہایت اہم اور قابلِ فخر قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاک فوج خواجہ آصف دہشتگردی جنگ وزیر دفاع وی نیوز.
ذریعہ
ذریعہ: WE News
کلیدی لفظ: پاک فوج خواجہ ا صف دہشتگردی جنگ وزیر دفاع وی نیوز وزیر دفاع کے خلاف پاک فوج
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا