مطلقہ بہن بھی مرحوم بھائی کی فیملی پنشن کی حقدار قرار
اشاعت کی تاریخ: 25th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) صدرمملکت آصف علی زرداری نے ایک تاریخی فیصلے میں ای او بی آئی (EOBI) کو حکم دیا ہے کہ وہ اپنے متوفی ملازم نصیر احمد اعوان کی مطلقہ بہن، مجیدہ پروین کو فوری طور پر فیملی پنشن کے واجبات ادا کرے۔ صدرِ مملکت نے وفاقی محتسب کے سابقہ فیصلے کے خلاف دائر کردہ اپیل منظور کرتے ہوئے قرار دیا کہ مطلقہ بہن کی مالی و سماجی حیثیت بیوہ بہن سے کم نہیں ہے، لہٰذا قانون کا اطلاق دونوں پر مساوی ہونا چاہیے۔ایوانِ صدر کے کنسلٹنٹ برائے قانونی امور، جسٹس (ر) عرفان قادر نے سماعت کے دوران ریمارکس دیے کہ آئین پاکستان کا آرٹیکل 25 تمام
شہریوں کو مساوی حقوق فراہم کرتا ہے۔ انہوں نے واضح کیا کہ چونکہ ای او بی آئی ماضی میں ایک بیوہ بہن کو پنشن فراہم کر چکا ہے، اس لیے اسی نوعیت کے کیس میں مطلقہ بہن کو اس حق سے محروم رکھنا ناانصافی اور بدانتظامی ہے۔ عدالت نے ای او بی آئی کے اس مؤقف کو مسترد کر دیا کہ ضوابط میں مطلقہ بہن کا ذکر نہیں ہے، اور قرار دیا کہ بیوہ اور مطلقہ بہن کے درمیان امتیاز برتنے کا کوئی پیمانہ موجود نہیں ہے۔واضح رہے کہ بلدیہ ٹاؤن کراچی کی رہائشی مجیدہ پروین کے بھائی نصیر احمد 2019 میں دوران ملازمت انتقال کر گئے تھے، جن کی کفالت میں دو بہنیں تھیں۔ ای او بی آئی نے طویل عرصے تک پنشن کے اجرا میں لیت و لعل سے کام لیا، جس کے خلاف معروف قانون دان محمد ابراہیم فاروقی نے قانونی معاونت فراہم کی۔ صدرِ مملکت سیکرٹریٹ نے فیصلے کی نقول چیئرمین ای او بی آئی اور وفاقی محتسب کو فوری عملدرآمد کے لیے ارسال کر دی ہیں۔
ذریعہ
ذریعہ: Jasarat News
کلیدی لفظ: او بی ا ئی
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار