اسحاق ڈار کا دورہ امارات، ترک ایرانی ہم منصب سے رابطہ: اقوام متحدہ میں حمایت پر پاکستان کا شکریہ، ایران
اشاعت کی تاریخ: 25th, January 2026 GMT
اسلام آباد (اپنے سٹاف رپورٹر سے +خبر نگار خصوصی) نائب وزیراعظم و وزیر خارجہ اسحاق ڈار نے ایرانی وزیر خارجہ سید عباس عراقچی سے ٹیلیفونک رابطہ کیا جس کے دوران دونوں رہنماؤں کے درمیان علاقائی اور عالمی امور پر تفصیلی تبادلہ خیال کیا گیا۔ ترجمان دفتر خارجہ کے مطابق ایرانی وزیر خارجہ نے اقوامِ متحدہ میں پاکستان کی جانب سے ایران کی حمایت پر اظہار تشکر کیا۔ انہوں نے انسانی حقوق کونسل میں ایران سے متعلق قرارداد پر پاکستان کے موقف کو سراہتے ہوئے وزیر اعظم، حکومت اور عوام پاکستان کا شکریہ ادا کیا۔ دونوں رہنماؤں نے باہمی تعاون، علاقائی استحکام اور عالمی سطح پر پیش رفت سے متعلق امور پر بھی گفتگو کی۔ نائب وزیراعظم اور وزیر خارجہ اسحاق ڈار نے دبئی میں ابوظہبی محکمہ خزانہ کے چیئرمین سے ملاقات کی، جس میں پاکستان اور متحدہ عرب امارات کے درمیان سرمایہ کاری، تجارت اور ٹیلی کام سیکٹر میں تعاون بڑھانے پر اتفاق کیا گیا۔ ملاقات کے دوران پاکستان میں متحدہ عرب امارات کی سرمایہ کاری میں اضافے کے مواقع کا تفصیلی جائزہ لیا گیا، خاص طور پر پاکستان ٹیلی کمیونیکیشن کمپنی لمیٹڈ (پی ٹی سی ایل) کے آپریشنز اور مستقبل کی ترقی سے متعلق دیرینہ امور کے حل پر تبادلہ خیال کیا گیا۔ ملاقات میں تصالات کی پاکستان میں سرمایہ کاری اور توسیعی منصوبوں پر بھی بات چیت کی گئی اور پی ٹی سی ایل میں اتصالات کی سرمایہ کاری کو مزید مضبوط بنانے پر مشاورت کی گئی۔ دونوں فریقین نے پی ٹی سی ایل سے متعلق دیرینہ مسائل جلد حل کرنے پر اتفاق کیا۔ اسحاق ڈار نے بقایا معاملات کو فوری طور پر نمٹانے پر زور دیتے ہوئے کہا کہ پاکستان سرمایہ کاری کے فروغ اور دوطرفہ معاشی تعاون کو مزید وسعت دینے کیلئے پرعزم ہے۔ پاکستان میں ایرانی سفیر رضا امیری مقدم نے انسانی حقوق کونسل میں ایران مخالف قرارداد کے خلاف ووٹ دینے پر پاکستان سے تشکر کا اظہار کرتے ہوئے کہا ہے کہ پاکستان نے ایران کے خلاف غیر منصفانہ قرارداد پر ووٹنگ کا مطالبہ کر کے جرات مندانہ اقدام کیا۔ ایک بیان میں کہا کہ پاکستان نے یو این انسانی حقوق کونسل میں ایران مخالف قرارداد کے خلاف ووٹ دیکر ایران کے حق میں اصولی موقف اختیار کیا۔ ایرانی سفیر نے وزیراعظم شہباز شریف اور نائب وزیراعظم و وزیرخارجہ اسحاق ڈار کی قیادت میں پاکستان کے اصولی کردار کو قابل تحسین قرار دیا ۔ ایرانی سفیر کے مطابق 12 روزہ جارحیت، بیرونی حمایت یافتہ ہنگامے اور عالمی اداروں کے غلط استعمال کی کوششیں ناکام ہوئیں اور ایران کے خلاف سیاسی اور بلا جواز اقدامات کو تیسری مسلسل ناکامی کا سامنا کرنا پڑا۔ رضا امیری مقدم نے کہا کہ پاکستان کی حمایت انصاف، انسانی حقوق، کثیرالجہتی نظام اور قومی خودمختاری سے وابستگی کی عکاس ہے۔ انہوں نے واضح کیا کہ ایران اس اصولی اور مستقل حمایت کو ہمیشہ قدر کی نگاہ سے یاد رکھے گا۔نائب وزیراعظم اسحاق ڈار اور ترک وزیر خارجہ حاقان فیدان کا ٹیلی فونک رابطہ ہوا ہے۔ ترجمان دفتر خارجہ کے مطابق دونوں رہنماؤں نے ڈیووس اجلاس کے بعد پیشرفت کا جائزہ لیا اور خطے میں اہم اور علاقائی و بین الاقوامی معاملات پر قریبی رابطے میں رہنے پر اتفاق کیا ہے۔ عراقچی نے وزیراعظم محمد شہباز شریف کی حکومت اور پاکستان کے عوام کی تعریف بھی کی۔ محمد اسحاق ڈار نے دبئی میں چیئرمین اتصالات جاسم محمد بو عطابہ الزعابی اور ابو ظہبی کے محکمہ خزانہ کے نمائندوں سے ملاقات کی۔ پاکستان اور متحدہ عرب امارات کے درمیان تجارتی اور اقتصادی تعاون کا جائزہ لیا گیا۔ سرمایہ کاری بڑھانے کے مواقع پر تبادلہ خیال کیا گیا اور اتصالات کے پاکستان میں جاری منصوبوں اور زیر التواء امور بشمول پی ٹی سی ایل میں اس کے شیئرز پر بھی گفتگو ہوئی۔ نائب وزیرِ اعظم ووزیرِ خارجہ نے حکومت پاکستان کے عزم پر زور دیا کہ وہ نجی شعبے اور شراکت دار ممالک کی سرمایہ کاری کو سہولت فراہم کرے گی۔
.
ذریعہ
ذریعہ: Nawaiwaqt
کلیدی لفظ: اسحاق ڈار نے پاکستان میں پی ٹی سی ایل سرمایہ کاری پر پاکستان کہ پاکستان پاکستان کے میں ایران کے خلاف کیا گیا
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے