حکومت نے وادی تیرہ کو فوج کے احکامات پر خالی کرانے کی بے بنیاد خبروں کی تردید کردی
اشاعت کی تاریخ: 25th, January 2026 GMT
وزارت اطلاعات و نشریات کی جانب سے وادی تیرہ کو فوج کے احکامات پر خالی کرانے کی بے بنیاد خبروں کی تردید سامنے آئی ہے۔
وزارتِ اطلاعات و نشریات کے مطابق وادیٔ تیراہ کو خالی کروانے سے متعلق خبریں سراسر غلط اور من گھڑت ہیں،جن کا مقصد عوام میں خوف و ہراس پھیلانااور سیکیورٹی اداروں کے خلاف غلط معلومات دینا ہے۔
وزارت کا کہنا ہےکہ وفاقی حکومت یامسلح افواج کی جانب سےوادیٔ تیراہ کو خالی کروانے کا کوئی حکم جاری نہیں کیاگیا،قانون نافذ کرنےوالےادارےمعمول کےمطابق صرف دہشت گردعناصر کےخلاف انٹیلیجنس معلومات کی بنیاد پر کارروائیاں کرتے ہیں،جن میں عام شہریوں کی زندگی کو متاثر نہ ہونے کا مکمل خیال رکھا جاتا ہے۔
وزارتِ اطلاعات کےمطابق ان کارروائیوں کےلیےنہ کسی قسم کی آبادی کی منتقلی کی ضرورت ہےاور نہ ہی ایسا کوئی اقدام کیا جا رہا ہے۔یہ بھی واضح کیا گیا ہے کہ مقامی آبادی خود خوارج کی موجودگی پر تشویش کا اظہار کر رہی ہےاور تیراہ میں امن و استحکام چاہتی ہے۔
وزارت کے مطابق خیبر پختونخوا حکومت کے ریلیف،بحالی اور آبادکاری کےمحکمے نے26 دسمبر 2025 کو ایک نوٹیفکیشن جاری کیا،جس کےتحت اطلاعات کےمطابق تقریباً چار ارب روپےمختص کیےگئے ہیں۔یہ رقم تیراہ (باغ) کے بعض علاقوں سےممکنہ، عارضی اور رضاکارانہ نقل و حرکت کے پیشِ نظر رکھی گئی ہے۔
وزارت کا کہنا ہےکہ اس اقدام کا مقصد پیشگی تیاری اورامدادی اقدامات کرنا ہے،جس میں ٹرانسپورٹ، خوراک، نقد امداداورعارضی قیام و رجسٹریشن مراکز کا انتظام شامل ہے۔
وزارتِ اطلاعات کے مطابق ڈپٹی کمشنر خیبر نے واضح کیا ہےکہ یہ مجوزہ رضاکارانہ نقل مکانی مقامی آبادی کی رائے اور خواہشات کی عکاس ہےجو ضلعی سطح پر ہونے والے نمائندہ جرگے کے ذریعے سامنے آئی۔
وزارت نے واضح کیا کہ صوبائی حکومت یاکسی عہدیدار کی جانب سےایساکوئی بیان جس میں اس نقل مکانی کو مسلح افواج سے جوڑا جائے،سراسرغلط، من گھڑت اوربدنیتی پرمبنی ہے،اورایسے بیانات سیاسی فائدے کے لیے دیے جا رہے ہیں،جو سیکیورٹی اداروں کو بدنام کرنے کی ناکام کوشش ہیں۔
.
ذریعہ
ذریعہ: Daily Mumtaz
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب آ گیا
لاہور: دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔ فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھیواضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا