خیبرپختونخوا کی مختلف جامعات میں طالبات کیلئے آئی ایس پی آر کے زیر اہتمام ونٹر انٹرنشپ پروگرام جاری
اشاعت کی تاریخ: 25th, January 2026 GMT
پشاور(ویب ڈیسک) خیبرپختونخوا کی مختلف جامعات میں زیر تعلیم طالبات کے لیے آئی ایس پی آر کے زیر اہتمام ونٹر انٹرنشپ پروگرام کامیابی سے جاری ہے، جس کا مقصد نوجوان نسل کی تربیت، قومی جذبہ بیدار کرنا اور دفاعی شعبے سے متعلق عملی آگاہی فراہم کرنا ہے۔
انٹرنشپ پروگرام کے تحت طالبات نے سپیشل سروسز گروپ (ایس ایس جی) کے پیرا ٹریننگ سکول پشاور کا دورہ کیا، جہاں انہیں پیرا ٹروپرز کو دی جانے والی پیشہ ورانہ تربیت، زیرِ استعمال آلات اور عملی مشقوں سے متعلق تفصیلی بریفنگ دی گئی۔ ایس ایس جی کے ماہر انسٹرکٹرز نے پیرا جمپس کے طریقہ کار پر روشنی ڈالی اور عملی مظاہرے بھی پیش کیے۔
طالبات نے پیرا ٹروپرز کے زیر استعمال خصوصی سامان میں گہری دلچسپی کا اظہار کیا اور خود بھی ٹاور جمپس کا عملی تجربہ حاصل کیا۔ اس موقع پر طالبات نے ایس ایس جی کمانڈوز کے نظم و ضبط، پیشہ ورانہ مہارت اور قربانیوں کو سراہتے ہوئے کہا کہ اس دورے سے انہیں ملک کے دفاع میں افواجِ پاکستان کے کردار کو قریب سے دیکھنے کا موقع ملا۔
طالبات کا کہنا تھا کہ پیرا ٹریننگ سکول کا دورہ معلوماتی، متاثرکن اور یادگار ثابت ہوا۔ انہوں نے کہا کہ یہاں آ کر دیکھا کہ کس طرح پیرا ٹروپرز ہوا میں جمپس لگا کر وطن کے دفاع کی ذمہ داریاں نبھاتے ہیں، سخت ٹریننگ اور نظم و ضبط کو دیکھ کر اندازہ ہوا کہ ملک کی حفاظت کے لیے ایس ایس جی کے جوان کیا کچھ کرتے ہیں۔ طالبات کے مطابق اس تجربے سے ان کے اعتماد میں اضافہ ہوا اور قومی شعور مزید مضبوط ہوا۔
دورے کے اختتام پر طالبات نے پیرا ٹریننگ سکول کے تعلیمی و تربیتی ماحول کو انتہائی مفید قرار دیا اور دورہ کرانے پر پاک فوج کا شکریہ ادا کیا۔ شرکاء نے اس عزم کا اظہار کیا کہ وہ اس تجربے کو اپنی عملی زندگی میں مثبت انداز میں بروئے کار لائیں گی۔
آئی ایس پی آر کے مطابق نوجوان نسل کی تربیت اور قومی شعور اجاگر کرنے کے لیے ایسے پروگرام مستقبل میں بھی جاری رکھے جائیں گے، تاکہ طالبات کو قومی سلامتی اور دفاعی اداروں کے کردار سے آگاہ کیا جا سکے۔
.
ذریعہ
ذریعہ: Daily Mumtaz
کلیدی لفظ: ایس ایس جی طالبات نے
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا