لہسن: صحت کے لیے قدرتی دوا اور روزانہ کا لازمی جزو
اشاعت کی تاریخ: 25th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی:لہسن نہ صرف کھانوں کا ذائقہ بڑھانے کے لیے استعمال ہوتا ہے بلکہ صحت کے لیے بھی بے شمار فوائد کا حامل ہے۔
ماہرین صحت کے مطابق روزانہ لہسن کا استعمال جسم کو مختلف بیماریوں سے بچانے میں مدد دیتا ہے اور مدافعتی نظام کو مضبوط کرتا ہے۔
طبی ماہرین کے مطابق لہسن میں موجود ایلِیسِن (Allicin) نامی قدرتی مرکب اینٹی بیکٹیریل اور اینٹی وائرل خصوصیات رکھتا ہے، جو انفیکشن سے بچاؤ اور جسم میں سوزش کو کم کرنے میں مددگار ہے۔ اس کے علاوہ لہسن دل کی صحت کے لیے بھی مفید ہے، کیونکہ یہ خون میں کولیسٹرول کی سطح کو متوازن رکھتا اور بلڈ پریشر کو قابو میں رکھنے میں مدد دیتا ہے۔
طبی ماہرین کا کہنا ہے کہ لہسن شوگر کے مریضوں کے لیے بھی فائدہ مند ہے، کیونکہ یہ خون میں شکر کی سطح کو کنٹرول کرنے میں مددگار ثابت ہوتا ہے۔ اس کے علاوہ لہسن میں موجود اینٹی آکسیڈینٹس جسم میں فری ریڈیکلز کو ختم کرتے ہیں اور عمر رسیدگی کے عمل کو سست کرنے میں مدد دیتے ہیں۔
روزانہ ایک سے دو جوئے لہسن کھانے سے جسمانی توانائی بڑھتی ہے، مدافعتی نظام مضبوط ہوتا ہے اور مختلف وائرس و بیکٹیریا کے خلاف جسم مزاحمت پیدا کرتا ہے۔ تاہم زیادہ مقدار میں استعمال معدے یا ہاضمے کے مسائل پیدا کر سکتا ہے، اس لیے معتدل استعمال کی سفارش کی جاتی ہے۔
لہسن کے یہ فوائد اسے نہ صرف کھانوں کا لازمی جزو بناتے ہیں بلکہ صحت کے لیے ایک قدرتی دوا کے طور پر بھی اہم کردار ادا کرتے ہیں۔
ذریعہ
ذریعہ: Jasarat News
کلیدی لفظ: صحت کے لیے
پڑھیں:
یورپی یونین کا گوگل پر 89 کروڑ یورو جرمانہ، سرچ انجن پر اجارہ داری کے غلط استعمال کا الزام
یورپی یونین نے سرچ انجن کے شعبے میں مبینہ اجارہ داری کا غلط استعمال کرنے پر گوگل کے خلاف بڑا اقدام کرتے ہوئے کمپنی پر 89 کروڑ یورو (تقریباً ایک ارب امریکی ڈالر)کا جرمانہ عائد کر دیا ہے۔ یورپی کمیشن کا کہنا ہے کہ گوگل نے اپنی بالادست پوزیشن کا فائدہ اٹھاتے ہوئے حریف کمپنیوں کے ساتھ غیر منصفانہ رویہ اختیار کیا اور اپنی مختلف سروسز کو ناجائز برتری فراہم کی۔
یورپی کمیشن کی جانب سے جاری بیان کے مطابق گوگل نے سرچ انجن میں اپنی مضبوط پوزیشن استعمال کرتے ہوئے شاپنگ، ٹریول، گیمز اور دیگر سروسز کو سرچ نتائج میں نمایاں جگہ دی، جبکہ حریف کمپنیوں کی سروسز کو نیچے دکھایا گیا، جس سے منصفانہ مسابقت متاثر ہوئی۔
کمیشن نے کہا کہ یہ طرزِ عمل ڈیجیٹل مارکیٹس ایکٹ (Digital Markets Act) کی خلاف ورزی ہے، جس کے تحت بڑی ٹیکنالوجی کمپنیوں کو اپنی سروسز کے حق میں امتیازی یا جانبدارانہ رویہ اختیار کرنے کی اجازت نہیں۔
یورپی کمیشن نے گوگل پر یہ الزام بھی عائد کیا کہ کمپنی نے گوگل پلے اسٹور پر ایپ ڈویلپرز کو صارفین کو متبادل ادائیگی کے طریقوں سے آگاہ کرنے سے روکا، تاکہ گوگل کی سروس فیس برقرار رہے۔ کمیشن کے مطابق یہ عمل بھی ڈیجیٹل مارکیٹس ایکٹ کی خلاف ورزی کے زمرے میں آتا ہے، جس کا مقصد بڑی ٹیکنالوجی کمپنیوں کی اجارہ داری کو روکنا ہے۔
کمیشن نے گوگل کو ہدایت کی ہے کہ وہ 60 دن کے اندر فیصلے پر عملدرآمد کرے، بصورت دیگر کمپنی کو مزید جرمانوں کا سامنا کرنا پڑ سکتا ہے۔دوسری جانب گوگل نے فیصلے پر ردعمل دیتے ہوئے کہا ہے کہ یورپی کمیشن کے اس اقدام سے یورپی صارفین اور کاروباری اداروں کو نقصان پہنچ سکتا ہے۔
یہ پہلا موقع نہیں کہ یورپی یونین نے گوگل کے خلاف کارروائی کی ہو۔ 2018 میں اینڈرائیڈ آپریٹنگ سسٹم میں اجارہ داری کے الزام پر گوگل پر 4.7 ارب ڈالر کا جرمانہ عائد کیا گیا تھا، جبکہ 2017 میں سرچ انجن کے شعبے میں مسابقتی قوانین کی خلاف ورزی پر کمپنی کو 2.8 ارب ڈالر جرمانے کا سامنا کرنا پڑا تھا۔ بعد ازاں ان مقدمات میں گوگل کی اپیلیں بھی مسترد کر دی گئی تھیں۔
ماہرین کا کہنا ہے کہ تازہ کارروائی سے یورپی یونین اور امریکا کے درمیان تجارتی کشیدگی میں مزید اضافہ ہو سکتا ہے، کیونکہ امریکی انتظامیہ اس سے قبل یورپی یونین کی بعض تجارتی اور ڈیجیٹل پالیسیوں پر تحفظات کا اظہار کر چکی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا