بی جے پی اور اسکے اتحادی جماعتوں کے لیڈر چوروں کی بارات دکھائی دیتی ہیں، شیو پال یادو
اشاعت کی تاریخ: 25th, January 2026 GMT
صحافیوں سے بات کرتے ہوئے انہوں نے کہا کہ بی جے پی اور اسکے اتحادی جماعتوں کے لیڈر ایک دوسرے کو گالیاں دینے میں لگے ہوئے ہیں اور ایک دوسرے کو چور کہہ رہے ہیں۔ اسلام ٹائمز۔ سماج وادی پارٹی (ایس پی) کے قومی جنرل سکریٹری شیو پال سنگھ یادو نے کہا کہ بھارتیہ جنتا پارٹی (بی جے پی) اور اس کی اتحادی جماعتیں چوروں کی بارات دکھائی دیتی ہیں۔ اپنے حلقۂ انتخاب جسونت نگر میں ہندو ودیالیہ کے سالانہ جشن میں شرکت کے بعد صحافیوں سے بات کرتے ہوئے انہوں نے کہا کہ بی جے پی اور اس کے اتحادی جماعتوں کے لیڈر ایک دوسرے کو گالیاں دینے میں لگے ہوئے ہیں اور ایک دوسرے کو چور کہہ رہے ہیں۔ انہوں نے کہا کہ یہ کوئی نئی بات نہیں ہے، پوری بی جے پی اور اس کی اتحادی جماعتیں چوروں کی بارات نظر آتی ہیں۔
یوگی حکومت کے وزیر انل راج بھر کی جانب سے وزیر اوم پرکاش راج بھر کو چور کہے جانے کے سوال پر شیو پال نے کہا کہ یہ کوئی نئی بات نہیں ہے۔ انہوں نے کہا کہ بی جے پی اور اس کے اتحادی سب کے سب چور جیسے ہی ہیں، کچھ باتیں سامنے آ جاتی ہیں اور کچھ سامنے نہیں آ پاتیں۔ انہوں نے کہا کہ سنگم تٹ پر شنکراچاریہ اوی مکتیشورانند کی توہین کی جا رہی ہے۔ افسران لگاتار بے عزتی کر رہے ہیں اور حکومت میں بیٹھے وزیر خاموش ہیں۔ حکومت سناتن دھرم اور شنکراچاریہ کی توہین میں لگی ہوئی ہے۔ انہوں نے کہا کہ بی جے پی کسی کا احترام نہیں کرتی، ایسے انعقاد میں سنتوں کا بڑا کردار ہوتا ہے اور سنتوں کو ہی اسنان نہیں کرنے دیا گیا اس سے بڑی بدقسمتی کیا ہو سکتی ہے۔
شیو پال نے کہا کہ ملک کے چار شنکر اچاریوں میں سے ایک کی توہین کی گئی ہے اور حکومت ان کے اسنان تک کا انتظام نہیں کر سکی۔ انہوں نے الزام لگایا کہ اس حکومت نے دس سال میں کوئی کام نہیں کیا، ریاست میں قانون و نظم نام کی کوئی چیز نہیں ہے اور ہر طرف بدعنوانی کا بول بالا ہے۔ انہوں نے کہا کہ شنکراچاریہ کی توہین کے معاملے پر وزیر اعلیٰ کچھ کہتے ہیں اور نائب وزیراعلٰی کچھ اور، دونوں کے الگ الگ بیانات اس بات کی طرف اشارہ کرتے ہیں کہ وہ سب جھوٹے ہیں۔ پنچایت انتخابات مؤخر کئے جانے کے سوال پر شیو پال سنگھ یادو نے کہا کہ پنچایت انتخابات مقررہ وقت پر ہونے چاہئے یہی اصل نظام ہے اور اسی کے مطابق انتخابات کرائے جانے چاہیئے۔
ذریعہ
ذریعہ: Islam Times
کلیدی لفظ: انہوں نے کہا کہ بی جے پی بی جے پی اور اس ایک دوسرے کو کے اتحادی کی توہین شیو پال ہیں اور ہے اور
پڑھیں:
حکومت نے بجلی کی سبسڈی کو “ٹارگٹڈ” بنانے کیلئے نیا سسٹم متعارف کرادیا۔۔؟؟
حکومت نے بجلی کی سبسڈی کو “ٹارگٹڈ”(targeted subsidy) بنانے کے لیے نیا سسٹم متعارف کرا دیا ۔ جس کے تحت اب صارفین کو اپنی شناخت اور گھریلو معلومات کی تصدیق کرنا ہوگی۔
صارف جب کیو آر کوڈ اسکین کرتا ہے تو اسے ایک آن لائن پورٹل پر لے جایا جاتا ہے۔ اس پورٹل پر شناختی کارڈ ، موبائل نمبر اور بجلی کے میٹر کی تفصیلات درج کرنا ہوتی ہیں۔ اس کے بعد ون ٹائم پاس ورڈ کے ذریعے تصدیق مکمل کی جاتی ہے۔
حکام کے مطابق اس نظام کا مقصد ایک ہی خاندان کے مختلف افراد کے نام پر موجود متعدد میٹرز کو چیک کرنا ہے ۔ یہ بھی دیکھا جا سکے گا کہ کم یونٹس استعمال کرنے والا صارف واقعی مستحق ہے یا نہیں ۔
ذرائع کے مطابق اس عمل میں نادرا ، بجلی تقسیم کار کمپنیوں اور دیگر سرکاری ڈیٹا بیسز سے حاصل معلومات کو ملا کر صارف کی معاشی حیثیت کا جائزہ لیا جائے گا۔ یعنی اب سبسڈی صرف بجلی کے استعمال پر نہیں بلکہ گھرانے کی مجموعی صورتحال پر دی جائے گی۔
پاور ڈویژن کے مطابق اس وقت2 کروڑ 95 لاکھ 70 ہزار یعنی 86 فیصد گھریلو صارفین کو سبسڈی فراہم کی جارہی ہے۔ سبسڈی کا حجم 199 ارب سے بڑھ کر 423 ارب روپے تک پہنچ گیا۔ زرعی اور گھریلو شعبے کو 527 ارب روپے کی سبسڈی مل رہی ہے۔
حکام کے مطابق کیو آر کوڈ سسٹم کے ذریعے اہل صارفین کو بلاتعطل سبسڈی کی فراہمی جاری رہے گی۔دوسری طرف اس نئے نظام پر سوالات بھی اٹھ رہے ہیں کہ کیا صارفین کا ذاتی ڈیٹا محفوظ ہے؟ اور کیا تصدیق نہ کرنے کی صورت میں سبسڈی ختم ہو سکتی ہے؟
مزید پڑھیں:کسی کی برائی کرکے نہیں کارکردگی پر ووٹ مانگتے ہیں، نوازشریف
ادھر حکومت نے صارفین کو خبردار کیا ہے کہ جعلی کیو آر کوڈز اور لنکس سے محتاط رہیں ۔ کسی بھی غیر مصدقہ پلیٹ فارم پر اپنی ذاتی معلومات ہرگز شیئر نہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ