جو تباہی پیپلز پارٹی نے پھیر دی وہ عوام کے سامنے لائینگے: حیدر عباس رضوی
اشاعت کی تاریخ: 25th, January 2026 GMT
حیدر عباس رضوی—اسکرین گرائب
متحدہ قومی موومنٹ (ایم کیو ایم) کے سینئر رہنما حیدر عباس رضوی نے کہا ہے کہ سندھ میں جو تباہی پیپلز پارٹی نے پھیر دی ہے وہ عوام کے سامنے لائیں گے۔
حیدرآباد میں پریس کانفرنس کے دوران حیدر عباس رضوی نے کہا کہ ایم کیو ایم نے سندھ بچاؤ مہم شروع کرنے کا فیصلہ کیا ہے۔
انہوں نے کہا کہ ایم کیو ایم نے فیصلہ کیا ہے کہ اب بہت ہو گیا ہے، جو تباہی پیپلز پارٹی نے پھیری وہ عوام کے سامنے لائیں گے۔
ایم کیو ایم رہنما نے کہا کہ سندھ کے شہروں اور دیہات میں بنیادی سہولتیں دستیاب نہیں، حیدرآباد سے صوبے بھر میں سندھ بچاؤ مہم شروع کریں گے۔
اُن کا کہنا ہے کہ این ایف سی سے ملنے والے فنڈ کہاں خرچ ہوئے؟ کسی کو نہیں پتہ، ایسا لگتا ہے کہ سندھ کا دارالحکومت دبئی میں ہے، جہاں سارا پیسہ لگا ہوا ہے۔
حیدر عباس رضوی نے کہا کہ 27 ویں ترمیم میں ایم کیو ایم کے تقریباً تمام مطالبات منظور ہو گئے تھے لیکن پیپلز پارٹی نے نقب لگائی، حکومتِ سندھ نہیں چاہتی کہ سندھ میں ایک مضبوط بلدیاتی حکومت قائم ہو۔
دوسری طرف کراچی میں میڈیا سے گفتگو میں فاروق ستار نے سانحۂ گل پلازا کی تحقیقات کے لیے آزاد جوڈیشل کمیشن بنانے کا مطالبہ کیا۔
انہوں نے کہا کہ اگر گل پلازا غیر قانونی تھا تو تفتیش کے لیے حاضر ہوں، تینوں میئرز نے قانون کے دائرے میں کام کیا، ریکوری آپریشن کے دوران دو ٹرک غائب ہونا تشویش ناک ہے۔
.
ذریعہ
ذریعہ: Jang News
کلیدی لفظ: پیپلز پارٹی نے حیدر عباس رضوی ایم کیو ایم نے کہا کہ کہ سندھ
پڑھیں:
امریکا نے ایران پر مسلسل 13 ویں رات بھی فضائی حملے شروع کر دیے، سینٹکام
امریکہ نے ایران کے خلاف مسلسل 13 ویں رات بھی فوجی کارروائیاں جاری رکھیں جبکہ ایرانی شہر اہواز میں متعدد دھماکوں کی آوازیں سنی جانے کی اطلاعات سامنے آئی ہیں۔
امریکی سینٹرل کمانڈ سینٹکام نے سوشل میڈیا پلیٹ فارم ایکس پر جاری بیان میں تصدیق کی کہ امریکی افواج نے جمعرات کی شب ایران کے فوجی اہداف پر ایک اور حملہ کیا۔ بیان کے مطابق یہ کارروائیاں مسلسل 13 ویں رات جاری رہیں۔
U.S. forces started another night of strikes against Iranian military targets at 6:45 p.m. ET today. This is the 13th consecutive night of strikes aimed to hold Iran accountable and diminish threats from the Islamic Revolutionary Guard Corps to commercial shipping.
مزید پڑھیںمشرق وسطیٰ کی صورتحال کنٹرول سے باہر ہوتی جارہی ہے، یو این سیکریٹری جنرل
جارحیت کی قیمت واشنگٹن کو بہت مہنگی پڑے گی، عباس عراقچی
— U.S. Central Command (@CENTCOM) July 23, 2026سینٹکام کا کہنا ہے کہ ان حملوں کا مقصد ایران کو اس کے اقدامات پر جوابدہ بنانا اور پاسداران انقلاب کی جانب سے تجارتی بحری جہازوں کو لاحق خطرات کو کم کرنا ہے۔
دوسری جانب ایران کے صوبہ خوزستان کے دارالحکومت اہواز کے رہائشیوں نے جمعہ کی علی الصبح متعدد زور دار دھماکوں کی آوازیں سننے کی اطلاع دی ہے۔
ایرانی خبر رساں ادارے کے مطابق دھماکوں کی تفصیلات فوری طور پر سامنے نہیں آسکیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار