وفاقی وزیر اطلاعات کے کوٹ مومن، رجوعہ سادات، ساہیوال کے دورے
اشاعت کی تاریخ: 26th, January 2026 GMT
اسلام آباد، سرگودھا، چنیوٹ، لاہور (اپنے سٹاف رپورٹر سے+ نمائندہ خصوصی + نمائندہ نوائے وقت، نامہ نگار) وفاقی وزیر اطلاعات عطاء تارڑ نے سرگودھا آمد پر تحصیل ساہیوال شاہ جیونہ میں اپنے سٹاف کے ممبر سے والد کے انتقال پر اظہار تعزیت کرتے ہوئے مرحوم کے لئے دعائے مغفرت اور پسماندگان کے لئے صبروجمیل کی دعا کی۔ ذرائع کے مطابق وفاقی وزیر اطلاعات عطاء تارڑ کی سرگودھا آمد پر سخت ترین سکیورٹی انتظامات کئے گے جہاں قصبہ ساہیوال میں ایم پی اے تیمور خان بلوچ اور دیگر لیگی عہدیداروں نے وفاقی وزیر اطلاعات کا استقبال کیا اور عطاء تارڑ نے گفتگو کرتے ہوئے کہا کہ پاکستان کی خارجہ پالیسی درست سمت میں ہے۔ پاکستان کا عالمی برادری میں وقار بلند ہوا ہے۔ انہوں نے کہا کہ پنجاب حکومت مریم نواز کی قیادت میں انقلابی اقدامات کر رہی ہے۔ پنجاب حکومت عوامی فلاح کے منصوبوں کو مکمل کر رہی ہے۔ عطاء تارڑ جہانیاں شاہ گئے پھر تحصیل کوٹ مومن پہنچ گئے جہاں انہوں نے سابق ڈپٹی سپیکر پنجاب اسمبلی میاں مناظر علی رانجھا کے ہمراہ چک 21 میں سید عون شیرازی سے ان کے گھر ملاقات کی اور ان کی اہلیہ کے انتقال پر تعزیت کرتے ہوئے مرحومہ کے لئے جنت الفردوس میں اعلی مقام اور پسماندگان کے لئے صبروجمیل کی دعا کی۔ عطاء محمد تارڑ نے کہا ہے کہ دہشت گردی کے خلاف پاک فوج اور قانون نافذ کرنے والے اداروں نے بڑی قربانیاں دیں ہیں۔ دہشت گردوں کی ہارڈ ٹارگٹ تک پہنچنے کی کپیسٹی بہت حد تک کم ہوئی ہے۔ دہشت گردوں کو اب چھپنے کی جگہ نہیں مل رہی دہشت گردی کے خاتمے پر پوری قوم متحد ہے۔ان خیالات کا اظہار انہوں نے رجوعہ سادات چنیوٹ میں سابق صوبائی وزیر سید حسن مرتضیٰ شاہ کے والد کی وفات پر تعزیت کے بعد میڈیا نمائندگان سے گفتگو کرتے ہوئے کہا انہوں نے کہا کہ ٹی ٹی پی اور دہشت گرد عناصر جو ان کو سپورٹ کرتے ہیں ان کا خاتمہ ہو گا، پورے ملک کے صحافیوں کے لیے ریلیف پیکج لا رہی ہے۔ وزیراعظم شہباز شریف کی قیادت میں ملک ترقی و خوشحالی کی راہ پر گامزن ہے۔
.
ذریعہ
ذریعہ: Nawaiwaqt
کلیدی لفظ: وفاقی وزیر اطلاعات عطاء تارڑ کرتے ہوئے کے لئے
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
وزارت آئی ٹی نے 1.67 ارب روپے سے زاید کے فنڈز طلب کرلیے