گل پلازہ سانحہ، ٹیکنیکل ٹیم کا آج آخری معائنہ، عمارت سیل کرنے کا فیصلہ
اشاعت کی تاریخ: 26th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: ڈپٹی کمشنر جنوبی جاوید نبی کھوسو نے کہا ہے کہ گل پلازہ میں سرچ آپریشن تقریباً مکمل ہوچکا ہے۔
انہوں نے بتایا کہ آج ٹیکنیکل ٹیم آخری بار عمارت کے اندر جائے گی، جس کے بعد متاثرہ عمارت کو سیل کردیا جائے گا۔ ڈی سی کے مطابق اگر اب بھی کسی شہری کا پیارا لاپتا ہے تو وہ ضلعی انتظامیہ سے رابطہ کرسکتا ہے۔
ڈی سی ساؤتھ کا کہنا تھا کہ 79 لاپتا افراد میں سے 13 کے ورثا نے تاحال ڈی این اے سیمپلز فراہم نہیں کیے، جس کے باعث شناخت کے عمل میں رکاوٹ پیش آرہی ہے۔ انہوں نے بتایا کہ اب تک 30 لاشوں کا مکمل ڈیٹا حکومت کو بھجوا دیا گیا ہے تاکہ جاں بحق افراد کے ورثا کو مالی امداد کی ادائیگی ممکن بنائی جا سکے۔
دوسری جانب ایس ایس پی سٹی عارف عزیز نے کہا ہے کہ سانحہ گل پلازہ میں غفلت اور لاپرواہی کے تمام پہلوؤں کو سامنے لایا جائے گا۔ ان کا کہنا تھا کہ تحقیقات کی جارہی ہیں کہ آگ لگنے کے بعد بھی عمارت کے دروازے کیوں نہیں کھولے گئے اور حفاظتی انتظامات کیوں ناکام ہوئے۔
واضح رہے کہ سانحہ گل پلازہ میں اب تک 73 افراد کے جاں بحق ہونے کی تصدیق ہوچکی ہے جن میں سے 23 کی شناخت مکمل کرلی گئی ہے۔ یہ افسوسناک واقعہ کراچی میں گزشتہ ہفتے 17 جنوری کی رات پیش آیا تھا، جب گل پلازہ میں لگنے والی آگ نے پوری عمارت کو اپنی لپیٹ میں لے لیا تھا۔
.
ذریعہ
ذریعہ: Jasarat News
کلیدی لفظ: گل پلازہ میں
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ