غزہ: اسرائیلی فوج کی فائرنگ سے 3 فلسطینی جاں بحق، 4 زخمی
اشاعت کی تاریخ: 25th, January 2026 GMT
غزہ میں اسرائیلی فوج کی فائرنگ کے 2 الگ الگ واقعات میں 3 فلسطینی جاں بحق ہو گئے، جبکہ غزہ سٹی میں اسرائیلی ڈرون حملے سے 4 افراد زخمی ہوگئے ہیں۔
یہ بھی پڑھیں: غزہ، اسرائیلی فضائی حملے میں فری لانسر سمیت 3 صحافی جاں بحق
مقامی طبی حکام کے مطابق شمالی غزہ کے علاقے طفاح کے مشرقی علاقے میں اسرائیلی فوج کی فائرنگ سے کم از کم 2 فلسطینی شہری جاں بحق ہوگئے، جبکہ جنوبی غزہ کے شہر خان یونس میں 41 سالہ شخص اسرائیلی فورسز کی فائرنگ سے جاں بحق ہوا۔
طبی عملے کا کہنا ہے کہ اس سے قبل غزہ سٹی میں ایک کثیر المنزلہ عمارت کی چھت پر اسرائیلی ڈرون دھماکے سے پھٹا، جس کے نتیجے میں قریبی سڑک پر موجود 4 شہری زخمی ہو گئے۔
امریکی ایلچیوں کی اسرائیلی وزیر اعظم سے ملاقاتامریکی ایلچی اسٹیو وٹکوف اور جیرڈ کشنر نے ہفتے کے روز اسرائیل میں وزیر اعظم بنیامین نیتن یاہو سے ملاقات کی، جس میں بنیادی طور پر غزہ کی صورتحال پر بات چیت کی گئی۔
اسٹیو وٹکوف کے مطابق ملاقات مثبت رہی اور آئندہ اقدامات اور خطے سے متعلق اہم امور پر تعاون جاری رکھنے پر اتفاق کیا گیا۔
Yesterday, a U.
— Special Envoy Steve Witkoff (@SEPeaceMissions) January 25, 2026
غزہ میں جنگ اس حملے کے بعد شروع ہوئی تھی جو فلسطینی مزاحمتی تنظیم حماس نے 7 اکتوبر 2023 کو جنوبی اسرائیل پر کیا، جس میں اسرائیلی اعداد و شمار کے مطابق 1,200 افراد ہلاک ہوئے۔
غزہ کی وزارت صحت کے مطابق اس کے بعد سے اسرائیلی حملوں میں 71 ہزار سے زائد افراد، جن میں اکثریت عام شہریوں کی ہے، شہید ہوچکے ہیں۔
وزارت صحت کا کہنا ہے کہ گزشتہ اکتوبر میں جنگ بندی معاہدہ نافذ ہونے کے بعد بھی اسرائیلی فائرنگ سے کم از کم 480 افراد جاں بحق ہوچکے ہیں۔
یہ بھی پڑھیں: 8 عرب اسلامک ممالک کا غزہ بورڈ آف پیس میں شمولیت کی امریکی دعوت کا خیرمقدم، مشترکہ اعلامیہ جاری
اسرائیل کا دعویٰ ہے کہ جنگ بندی کے آغاز کے بعد غزہ میں مزاحمت کاروں کے حملوں میں اس کے 4 فوجی ہلاک ہوئے، جبکہ دونوں فریق ایک دوسرے پر جنگ بندی کی خلاف ورزیوں کے الزامات عائد کررہے ہیں۔
امریکی حکام کے مطابق غزہ سے متعلق منصوبہ دوسرے مرحلے میں داخل ہوچکا ہے، جس کے تحت اسرائیل سے توقع کی جارہی ہے کہ وہ مزید علاقوں سے اپنی فوج واپس بلائے گا، جبکہ حماس سے غزہ کے انتظامی کنٹرول سے دستبردار ہونے کی امید کی جارہی ہے۔
ادھر خان یونس میں ہفتے کے روز اسرائیلی ڈرون حملے میں شہید ہونے والے فلسطینی کی نماز جنازہ میں 100 سے زائد افراد نے شرکت کی۔
یہ بھی پڑھیں: یو اے ای اور پاکستان کے بعد ترکیہ کا بھی ’غزہ بورڈ آف پیس‘ میں شمولیت کا فیصلہ
ناصر اسپتال کے مردہ خانے کے باہر خصوصی دعاؤں کے بعد میت کو سپرد خاک کیا گیا، جہاں لواحقین نے جنگ بندی کی صورتحال پر شدید مایوسی کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل امریکا خان یونس غزہ فائرنگ فلسطین
ذریعہ
ذریعہ: WE News
کلیدی لفظ: اسرائیل امریکا خان یونس فائرنگ فلسطین میں اسرائیلی کی فائرنگ فائرنگ سے کے مطابق کے بعد
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی