صدر مملکت آصف علی زرداری اعلیٰ سطحی وفد کے ہمراہ متحدہ عرب امارات کا سرکاری دورہ کریں گے
اشاعت کی تاریخ: 26th, January 2026 GMT
صدر مملکت آصف علی زرداری 26 تا 29 جنوری 2026 کو متحدہ عرب امارات کا سرکاری دورہ کریں گے۔ اس موقع پر صدر کے ہمراہ ایک اعلیٰ سطحی وفد بھی ہوگا۔
ترجمان دفتر خارجہ کے مطابق دورے کے دوران صدر پاکستان متحدہ عرب امارات کی قیادت سے اعلیٰ سطحی ملاقاتیں کریں گے، جن میں دوطرفہ تعلقات کے تمام پہلوؤں کا جائزہ لیا جائے گا، خاص طور پر تجارت اور اقتصادی شراکت، دفاع اور سیکیورٹی، اور عوامی روابط کے شعبے شامل ہیں۔
یہ بھی پڑھیے: متحدہ عرب امارات نے غزہ ’بورڈ آف پیس‘ میں شمولیت کی دعوت قبول کرلی
اس کے علاوہ، ملاقاتوں میں علاقائی اور عالمی مسائل پر بھی تبادلہ خیال کیا جائے گا۔
یہ دورہ، حال ہی میں متحدہ عرب امارات کے صدر کے پاکستان کے دورے کے بعد ہو رہا ہے، دونوں ممالک کے درمیان گہرے بھائی چارے اور دوستانہ تعلقات کی عکاسی کرتا ہے اور پاکستان اور یو اے ای کے درمیان مضبوط دوستی کو متقابل فوائد کی شراکت داری میں بدلنے کے عزم کی تصدیق کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصف علی زرداری دفتر خارجہ متحدہ عرب امارات.
ذریعہ
ذریعہ: WE News
کلیدی لفظ: ا صف علی زرداری دفتر خارجہ متحدہ عرب امارات متحدہ عرب امارات
پڑھیں:
صدر زرداری کی اٹلی کے صدر ور عوام کو یومِ جمہوریہ پر مبارکباد
اسلام آباد (اُردو پوائنٹ اخبارتازہ ترین - این این آئی۔ 02 جون2026ء) صدر مملکت آصف علی زرداری نے اٹلی کے صدر سرجیو میتاریلا اور اٹلی کے عوام کو یومِ جمہوریہ پر مبارکباد دیتے ہوئے اس یقین کا اظہار کیا ہے کہ آنے والے برسوں میں پاکستان اور اٹلی کے درمیان دوطرفہ تعلقات مزید فروغ پائیں گے۔(جاری ہے)
منگل کو ایوانِ صدر کے پریس ونگ کے مطابق صدر مملکت نے اپنے تہنیتی پیغام میں کہا کہ پاکستان اٹلی کے ساتھ اپنے دیرینہ دوستانہ تعلقات کو انتہائی قدر کی نگاہ سے دیکھتا ہے جو کہ باہمی اعتماد، تعاون اور امن و خوشحالی کے لیے مشترکہ عزم پر مبنی ہیں۔
انہوں نے اس یقین کا اظہار کیا کہ آنے والے برسوں میں یہ دوطرفہ تعلقات مزید فروغ پائیں گے۔ صدر آصف علی زرداری نے کہا کہ پاکستان یورپی یونین کے ساتھ اپنے روابط کو بہت اہمیت دیتا ہے اور بین الاقوامی تعاون، مذاکرات اور امن و استحکام کے فروغ کے لیے یورپی یونین میں اٹلی کے تعمیری کردار کو انتہائی سراہتا ہے۔ انہوں نے باہمی دلچسپی کے شعبوں میں پاکستان اور یورپی یونین کے تعلقات کو مزید مستحکم کرنے کے لیے پاکستان کے عزم کا اعادہ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ