اقرار الحسن کی تیسری اہلیہ عروسہ خان کے لاکھوں کے کپڑے اور جوتے، حیران کن قیمت بھی بتادی
اشاعت کی تاریخ: 26th, January 2026 GMT
معروف صحافی اور ٹی وی میزبان اقرار الحسن کی تیسری اہلیہ عروسہ اقرار کا حال ہی میں پیسے کا دکھاوا کرنے پر سوشل میڈیا پر تنقید کا سامنا کرنا پڑا۔
گزشتہ دنوں عروسہ خان کو لاہور میں شاپنگ کرتے ہوئے دیکھا گیا جہاں ایک ڈیجیٹل کریئیٹر نے ان سے لباس اور زیورات کی قیمتوں کے بارے میں سوال کیا۔ عروسہ خان نےان کی تفصیلات بتاتے ہوئے کہا کہ ’میں اس وقت اس لیے بہت خوشحال ہوں کیونکہ میرے پاس اقرار الحسن کے کارڈز ہیں۔ میرا لاکٹ 6 لاکھ 50 ہزار روپے کا ہے جو اقرار کی طرف سے تحفے میں دیا گیا اور اس پر دونوں کے نام لکھے ہیں‘۔
View this post on Instagram
A post shared by Sana Amjad (@iamsanamjad)
عروسہ نے بتایا کہ میرا کوٹ احسن طارق کا 85 ہزار روپے کا ہے، میکسی 30 ہزار کی ہے ، جوتے 22 ہزار کے اور گھڑی ایک لاکھ 70 ہزار کی ہے جو کہ ڈسکاؤنٹ پر خریدی گئی ہے۔ انہوں نے مزید بتایا کہ میری انگوٹھی 49 ہزار روپے کی ہے جو پراگ سے خریدی گئی ہے جبکہ بالیاں 11,500 کی ہیں جو میں نے حال ہی میں برطانیہ سے لی ہیں اس کے علاوہ میرے پاس آئی فون 17 پرو بھی ہے جو میں نے ابھی خریدا ہے۔
سوشل میڈیا صارفین نے عروسہ خان کے اس رویے پر شدید ردعمل ظاہر کیا۔ ایک صارف نے کہا کہ ’اگر یہ نہ بتایا جاتا تو شاید کسی نے اس پر توجہ نہیں دی ہوتی‘ ایک اور نے لکھا ’یہ غیر سیاسی ایلیٹس کا معیار ہے، تصور کریں دیگر افراد کی زندگی کیسی ہوگی‘۔ ایک اور صارف نے کہا ’ہم اپنی سادہ زندگی اور مقامی مارکیٹ سے شاپنگ میں خوش ہیں‘۔ ایک صارف نے طنزیہ انداز میں کہا ’اتنے پیسے خرچ کرنے کے بعد، کوئی دس بیویاں بھی رکھ سکتا ہے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقرار الحسن عروسہ خان ویڈیو وائرل.
ذریعہ
ذریعہ: WE News
کلیدی لفظ: اقرار الحسن ویڈیو وائرل اقرار الحسن
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
بھارت سے جنگ اور افغانستان میں کارروائی خارج ازامکان نہیں، وزیردفاع