وادی تیراہ: ریسکیو آپریشن مکمل، نقل مکانی کا سلسلہ 4 روز بعد بحال
اشاعت کی تاریخ: 26th, January 2026 GMT
--جنگ فوٹوز
وادیٔ تیراہ میں ریسکیو آپریشن مکمل جبکہ متاثرین کی رجسٹریشن اور نقل مکانی کا سلسلہ 4 روز بعد بحال کردیا گیا ہے۔
ریسکیو آپریشن کے دوران نقل مکانی کرنے والوں کی 480 گاڑیوں سمیت 2400 متاثرین کو ریسکیو کیا گیا ہے۔ برف میں پھنسے 200 سے زائد زخمی متاثرین کو طبی امداد فراہم کی گئی ہے، وادی تیراہ میں متاثرین کے ریلیف کے لیے پائندی چینہ، مہربان کلی او دوہ توئی کے مقام پر ریسکیو کے 3 بیس کیمپ قائم کیے گئے ہیں۔
ضلع خیبر کے ریسکیو 1122 کے ترجمان مقصود عالم نے ’جیو نیوز‘ کو بتایا کہ 10 جنوری سے وادیٔ تیراہ میں مقامی شہریوں کی نقل مکانی شروع ہو گئی تھی تاہم 22 جنوری کی برفباری کے باعث نقل مکانی کرنے والے سیکڑوں متاثرہ خاندان راستے میں پھنس گئے تھے اور بچوں اور خواتین سمیت سیکڑوں متاثرین ٹرکوں میں محصور ہو کر رہ گئے تھے۔
22 جنوری کو حکام بالا کے احکامات پر ریسکیو آپریشن شروع کیا گیا تھا۔
ترجمان کے مطابق اس آپریشن میں ضلع خیبر کے علاوہ پشاور مردان، صوابی اور نوشہرہ کی ریسکیو ٹیموں نے حصہ لیا۔ مین روڈ سے برف ہٹانے سمیت متاثرین کو ریسکیو کرنے کا کام شروع کر دیا گیا ہے۔ 4 روزہ ریسکیو آپریشن کے بعد آج باڑہ سے تیراہ جانے والی مین روڈ کو مکمل طور پر آمدورفت کے بحال کر دیا گیا ہے۔
ترجمان مقصود احمد کے مطابق ریسکیو آپریشن کے لیے 170 اہلکار، 27 وہیکلز، 21 ایمبولینسز، 4 ایکسکیویٹرز 6 ٹریکٹرز سمیت دیگر مشینریز تعینات کی گئی تھی۔ اس کے علاوہ محکمۂ سی اینڈ ڈبلیو ہائی ویز کا عملہ اور مشینریز تعینات ہے۔
ریسکیو آپریشن کے مکمل ہوتے ہی آج سے وادیٔ تیراہ میدان کے متاثرین کی رجسٹریشن کا عمل دوبارہ شروع کر دیا گیا ہے۔ رجسٹریشن کے لیے چاروں سینٹرز بحال ہیں۔
پی ڈی ایم اے کے ریکارڈ کے مطابق علاقہ میدان سے 4 روز قبل تک نقل مکانی کرنے والے تقریبا 10 ہزار خاندانوں کی رجسٹریشن مکمل کر لی گئی تھی جس میں بیشتر نقل مکانی بھی کر چکے ہیں۔
علاقہ میدان کی مجموعی آبادی 1 لاکھ 30 ہزار افراد پر مشتمل ہے۔
.
ذریعہ
ذریعہ: Jang News
کلیدی لفظ: ریسکیو آپریشن کے نقل مکانی گیا ہے
پڑھیں:
آپریشن العزم: سیکیورٹی فورسز کی مستونگ میں کامیاب کارروائی، 4 دہشتگرد جہنم واصل
سیکیورٹی فورسز نے آپریشن العزم کے تحت مستونگ میں کامیاب کارروائی کرتے ہوئے 4 دہشت گرد جہنم واصل کردیے۔
ذرائع کے مطابق سیکیورٹی فورسز کی آپریشن العزم کے تحت بلوچستان میں دہشت گردی کیخلاف بھرپور اور مؤثر انٹیلی جنس بیسڈ کارروائیاں جاری ہیں۔ اس سلسلے میں بلوچستان میں مستونگ کےعلاقے کھڈ کوچہ میں کامیاب کارروائی کے دوران فتنۃ الہندوستان کے 4 دہشت گرد جہنم واصل کردیے گئے۔
کامیاب آپریشن کے دوران ہلاک دہشت گردوں سے بھاری مقدار میں اسلحہ اور گولہ بارود بھی برآمد ہوا ہے۔ سیکیورٹی فورسز نے دہشت گردوں کے زیرِ استعمال موٹر سائیکلوں کو بھی ضبط کر لیا۔
بلوچستان آپریشن العزم: مستونگ میں بڑی کامیابی سیکیورٹی فورسز کی کارروائی میں 4 دہشت گرد ہلاکسیکیورٹی فورسز کی مؤثر کارروائی میں فتنۃ الہندوستان کے متعدد دہشت گردوں کے زخمی ہونے کی بھی مصدقہ اطلاعات ہیں جب کہ سیکیورٹی فورسز کی کارروائی کے دوران دہشتگردوں کی سہولت کاری میں ملوث متعدد مشتبہ افراد کو گرفتار بھی کیا گیا ہے۔
آپریشن کے دوران علاقے میں سرچ اور کلیئرنس کارروائیاں جاری ہیں جب کہ سیکیورٹی فورسز کی جانب سے مکمل نگرانی بھی برقرار ہے۔ حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کارروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سیکیورٹی ذرائع کا کہنا ہے کہ دہشت گردی کے خاتمے اور خطے میں امن و امان کے قیام تک سیکیورٹی فورسز کی کاروائیاں مسلسل جاری رہیں گی۔
بھارت سے جنگ اور افغانستان میں کارروائی خارج ازامکان نہیں، وزیردفاع