آزاد کشمیر میں شدید برف باری، وادی لیپا منقطع، پاک فوج کا ہیلی ریسکیو آپریشن
اشاعت کی تاریخ: 26th, January 2026 GMT
آزاد کشمیر کی وادی نیلم میں شدید برف باری کا سلسلہ جاری ہے جس کے باعث معمولاتِ زندگی بری طرح متاثر ہو گئے ہیں۔
مسلسل برف باری کے سبب وادی لیپا کا ضلعی ہیڈ کوارٹر ہٹیاں بالا سے زمینی رابطہ منقطع ہو گیا، جس سے علاقے میں رہنے والے افراد کو شدید مشکلات کا سامنا کرنا پڑا۔
زمینی راستے بند ہونے پر پاک فوج نے بروقت کارروائی کرتے ہوئے کامیاب ہیلی ریسکیو آپریشن کیا۔ طبی پیچیدگی کا شکار ایک مریضہ کو فوری اور محفوظ طریقے سے راولپنڈی کے ملٹری اسپتال منتقل کیا گیا، جس پر مقامی آبادی نے پاک فوج کی امدادی کوششوں کو سراہا۔
دوسری جانب استور ویلی روڈ گزشتہ چار روز سے بند ہے جبکہ پاراچنار میں بھی شدید سردی کی لہر جاری ہے۔ شدید برف باری کے باعث متعدد رابطہ سڑکیں بند ہیں اور کئی علاقوں میں بجلی کی فراہمی معطل ہو چکی ہے، جس سے عوام کو شدید مشکلات کا سامنا ہے۔
ادھر تیرہ اور گرد و نواح کے علاقوں میں بھی برف باری کے باعث حالاتِ زندگی بری طرح متاثر ہیں۔ پاک فوج کی جانب سے متاثرہ علاقوں میں امدادی اور ریلیف سرگرمیاں مسلسل جاری ہیں تاکہ محصور افراد کو ضروری سہولیات فراہم کی جا سکیں۔
.
ذریعہ
ذریعہ: Al Qamar Online
کلیدی لفظ: پاکستان کھیل پاک فوج
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ