پنجاب میں رمضان نگہبان پیکیج: 47 ارب روپے کا تاریخی ریلیف منصوبہ
اشاعت کی تاریخ: 26th, January 2026 GMT
وزیراعلیٰ پنجاب مریم نواز شریف نے رمضان المبارک کے بابرکت مہینے سے قبل صوبے بھر کے مستحق اور نادار افراد کے لیے 47 ارب روپے کے خطیر رمضان نگہبان پیکیج کی منظوری دے دی ہے، جس کے تحت 42 لاکھ خاندانوں اور ایک کروڑ سے زائد افراد کو براہِ راست مالی اور راشن کی سہولت فراہم کی جائے گی۔ وزیراعلیٰ کی زیر صدارت اجلاس میں فیصلہ کیا گیا کہ رمضان نگہبان کارڈ کے ذریعے ہر مستحق خاندان کو 10 ہزار روپے نقد دیے جائیں گے، جبکہ راشن کی خریداری کی سہولت بھی فراہم کی جائے گی۔ یہ کارڈ بینک آف پنجاب کے اے ٹی ایم، ون لنک نیٹ ورک اور برانچ لیس بینکنگ ایجنٹس کے ذریعے استعمال کیا جا سکے گا۔ حکومت پنجاب رمضان المبارک میں ہر تحصیل میں ”نگہبان دسترخوان — مریم کے مہمان“ کے نام سے افطار کا خصوصی انتظام کرے گی، جہاں روزانہ دو ہزار روزہ داروں کو افطاری فراہم کی جائے گی۔ ان دسترخوانوں پر کھجور، سموسہ، دودھ، روح افزا، کیلا اور چکن بریانی شامل ہوگی۔ مزید برآں صوبہ بھر میں سہولت بازار قائم کیے جائیں گے جہاں عوام کو سستی اشیائے خورونوش میسر ہوں گی۔ راشن کارڈ ہولڈرز کو بھی رمضان میں ماہانہ تین ہزار کے بجائے دس ہزار روپے دیے جائیں گے۔ فری ہوم ڈیلیوری سروس کے ذریعے بزرگ اور معذور افراد کو گھروں تک راشن پہنچایا جائے گا۔ وزیراعلیٰ مریم نواز شریف کا کہنا ہے کہ رمضان میں کوئی ماں، کوئی باپ، کوئی مزدور اور کوئی سفید پوش خاندان تنہا نہیں ہوگا۔ انہوں نے کہا کہ خدمتِ خلق عبادت ہے اور حکومت عوام کو زیادہ سے زیادہ ریلیف دینے کے لیے تمام وسائل بروئے کار لائے گی۔
.
ذریعہ
ذریعہ: Nawaiwaqt
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار