کراچی: 8 سالہ بچی ریبیز کا شکار، 3000 سے زائد کیسز رپورٹ
اشاعت کی تاریخ: 26th, January 2026 GMT
کراچی (نیوزڈیسک) آٹھ سال کی بچی کو پاگل کتے نے کاٹ لیا،ریبیزکا سال 2026 کا یہ پہلا کیس رپورٹ ہوا ہے۔
اسپتال حکام کے مطابق آوارہ کتے کےکاٹنے سےمتاثرہ بچی میں ریبیزکی تصدیق ہوئی ہے،کتے کےکاٹنے کے ڈیڑھ ماہ بعدبچی میں ریبیز کی علامات ظاہرہوئی،ہائیڈروفوبیا اورایروفوبیا کی علامات پائی گئیں،بچی پاگل کتے کے کاٹنے کا شکار بنی۔
حکام کاکہنا ہےکہ متاثرہ بچی انڈس اسپتال کراچی منتقل،پیلئی ایٹوکیئر پر رکھاہے، ریبیز سے بچاؤ کی ویکسین ہسپتال میں لگائی گئی،صرف اس ہی ماہ میں کتے کے کاٹنے کے 3000 سے زائد کیسز رپورٹ ہوچکے۔
ماہرین کےمطابق کتے کے کاٹنے کے نتیجے میں زخم فوری دھونا اور مکمل ویکسین ناگزیر ہے،گزشتہ سال سندھ میں ریبیز سے 21 افراد جاں بحق ہوئے،2025 میں سندھ بھر میں 60 ہزار سے زائد سگ گزیدگی کیسز رپورٹ ہوئے۔
.
ذریعہ
ذریعہ: Daily Mumtaz
کلیدی لفظ: کتے کے
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار