کراچی: سال 2026 میں ریبیز کا پہلا کیس رپورٹ، 8 سالہ بچی متاثر
اشاعت کی تاریخ: 26th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی میں سال 2026 کا ریبیز کا پہلا کیس سامنے آ گیا ہے، جس نے شہر میں ایک بار پھر آوارہ کتوں اور ناقص طبی سہولیات کے سنگین مسئلے کو اجاگر کر دیا ہے، ضلع سانگھڑ کے علاقے جھول سے تعلق رکھنے والی آٹھ سالہ بچی میں ریبیز کی تصدیق ہوئی ہے، جسے تشویشناک حالت میں کورنگی کے انڈس اسپتال منتقل کیا گیا ہے۔
نجی ٹی وی کی رپورٹ کے مطابق بچی کو تقریباً ڈیڑھ ماہ قبل آوارہ کتے نے کاٹا تھا، تاہم ابتدائی مرحلے پر نہ تو زخم کو درست طریقے سے صاف کیا گیا اور نہ ہی بروقت مکمل حفاظتی علاج فراہم کیا جا سکا، بچی پاگل کتے کے کاٹنے کا شکار بنی۔
ریبیز پریوینشن کلینک کے مینجر آفتاب گوہر کا کہنا ہے کہ بچی کو مختلف سرکاری اسپتالوں میں لے جایا گیا، لیکن ہر جگہ علاج نامکمل اور غیر مؤثر رہا، جس کے باعث بیماری خطرناک مرحلے میں داخل ہو گئی۔
آفتاب گوہر کے مطابق ریبیز سے بچاؤ میں سب سے اہم قدم زخم کو فوری طور پر صابن اور صاف پانی سے دھونا ہوتا ہے، مگر افسوسناک طور پر ابتدائی علاج کے دوران یہ بنیادی احتیاط بھی نہیں برتی گئی۔
اسپتال انتظامیہ کا کہنا ہے کہ بچی میں پانی اور ہوا سے خوف جیسی واضح علامات ظاہر ہو چکی ہیں، جو اس بات کی نشاندہی کرتی ہیں کہ مرض ایڈوانس اسٹیج میں داخل ہو چکا ہے۔
اعداد و شمار کے مطابق رواں سال کراچی میں سگ گزیدگی کے واقعات میں تشویشناک حد تک اضافہ دیکھنے میں آیا ہے۔ انڈس اسپتال میں اب تک 1500 جبکہ جناح اسپتال میں 800 سے زائد سگ گزیدگی کے کیسز رپورٹ ہو چکے ہیں۔ اسی طرح سول اسپتال میں بھی رواں برس 400 سے زیادہ افراد کتے کے کاٹنے کے بعد رجوع کر چکے ہیں۔ گزشتہ سال شہر کے دو بڑے اسپتالوں میں ریبیز کے باعث کم از کم 20 افراد جان کی بازی ہار گئے تھے۔
طبی ماہرین نے اس صورتحال پر شدید تشویش کا اظہار کرتے ہوئے عوام سے اپیل کی ہے کہ کتے کے کاٹنے کی صورت میں کسی بھی قسم کی تاخیر جان لیوا ثابت ہو سکتی ہے۔ ماہرین کے مطابق زخم کو فوری طور پر صابن اور پانی سے دھونا، مکمل ویکسینیشن کروانا اور ڈاکٹر کے مشورے پر عمل کرنا نہایت ضروری ہے، کیونکہ ایک بار علامات ظاہر ہو جائیں تو ریبیز سو فیصد مہلک ثابت ہوتا ہے۔
ذریعہ
ذریعہ: Jasarat News
کلیدی لفظ: کے مطابق
پڑھیں:
میرب علی سرجری کے بعد اسپتال منتقل، مداحوں سے صحت یابی کی دعاؤں کی اپیل
پاکستانی شوبز انڈسٹری کی معروف اداکارہ اور ماڈل میرب علی نے حال ہی میں اپنی صحت سے متعلق ایک اہم انکشاف کرتے ہوئے بتایا ہے کہ انہیں انگلی کے مسئلے کے باعث سرجری کروانا پڑی، جس کے بعد وہ اسپتال میں زیرِ علاج رہیں۔
میرب علی نے سوشل میڈیا پر مداحوں کو اپنی طبی صورتحال سے آگاہ کیا۔ اداکارہ کے مطابق ان کی ایک انگلی میں حرکت محدود ہو گئی تھی اور وہ بار بار لاک ہو جاتی تھی، جس کے باعث روزمرہ امور انجام دینا مشکل ہو رہا تھا۔
انہوں نے بتایا کہ ابتدائی طور پر ماہر امراضِ جوڑ (رہیومیٹولوجسٹ) اور نیورولوجسٹ نے انہیں صحت مند قرار دیا تھا، تاہم بعد ازاں آرتھوپیڈک سرجن نے مکمل معائنے کے بعد سرجری تجویز کی۔
میرب علی کے مطابق انہیں توقع تھی کہ یہ ایک معمولی اور مختصر نوعیت کا آپریشن ہوگا، لیکن سرجری ان کی توقع سے کہیں زیادہ پیچیدہ اور وقت طلب ثابت ہوئی۔ یہ آپریشن کراچی کے آغا خان یونیورسٹی اسپتال میں انجام دیا گیا، جہاں انہوں نے علاج کے دوران اپنی ایک ویڈیو بھی مداحوں کے ساتھ شیئر کی۔
View this post on Instagramاداکارہ نے بتایا کہ سرجری کے بعد اب وہ بتدریج صحت یاب ہو رہی ہیں، جبکہ ان کے دوستوں، ساتھی فنکاروں اور مداحوں کی جانب سے نیک خواہشات اور دعاؤں کا سلسلہ جاری ہے۔
شوبز شخصیات میں مایا خان، درفشاں سلیم، ثناء فہد اور رابعہ کلثوم سمیت متعدد فنکاروں نے میرب علی کی جلد صحت یابی کے لیے دعا کی۔ سوشل میڈیا صارفین نے بھی اداکارہ کو آرام کرنے اور موبائل فون کے زیادہ استعمال سے گریز کرنے کا مشورہ دیا تاکہ انگلی پر مزید دباؤ نہ پڑے۔
بعض مداحوں کا کہنا تھا کہ اس نوعیت کی طبی شکایت بعض اوقات کھیلوں یا ہاتھوں کے مسلسل استعمال کے باعث بھی پیدا ہو سکتی ہے۔ اداکارہ کی جانب سے صحت سے متعلق یہ انکشاف سامنے آنے کے بعد مداح ان کی جلد مکمل صحت یابی کے لیے نیک تمناؤں کا اظہار کر رہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے