غزہ میں موجود آخری اسرائیلی یرغمالی کی لاش برآمد، جنگ بندی کے اگلے مرحلے کی راہ ہموار
اشاعت کی تاریخ: 26th, January 2026 GMT
اسرائیل نے اعلان کیا ہے کہ غزہ میں موجود آخری اسرائیلی یرغمالی پولیس افسر ران گویلی کی لاش برآمد کر لی گئی ہے۔
اسرائیلی فوج کے ترجمان نے بتایا کہ نیشنل سینٹر آف فارنزک میڈیسن نے ران گویلی کی شناخت کی تصدیق کردی ہے، اور اب غزہ میں موجود تمام اسرائیلی یرغمالی زندہ یا لاش کی صورت میں وطن واپس آ چکے ہیں۔
مزید پڑھیں: غزہ جنگ بندی پر میامی میں مذاکرات، حماس کا اسرائیلی خلاف ورزیوں کے خاتمے کا مطالبہ
فلسطینی مزاحمتی تنظیم حماس کے عسکری ونگ القسام بریگیڈز کے ترجمان ابوعبیدہ نے بتایا کہ ثالثوں کو ران گویلی کی لاش کے ممکنہ مقام کے بارے میں تمام تفصیلات فراہم کی گئی تھیں، تاکہ امریکی ثالثی میں طے پانے والے معاہدے کے تحت لاش اسرائیل کے حوالے کی جا سکے۔
اتوار کو اسرائیلی فوج نے بھی شمالی غزہ کے ایک قبرستان میں ران گویلی کی تلاش کی تصدیق کی تھی، اور بعد ازاں یہ کارروائی کامیابی کے ساتھ مکمل ہوئی۔
حماس نے اپنی جانب سے جاری بیان میں کہاکہ یرغمالی کی لاش کی واپسی اس بات کا ثبوت ہے کہ وہ جنگ بندی معاہدے پر عمل درآمد کر رہی ہے، اور تنظیم اس سلسلے میں غزہ کی قومی کمیٹی کو ہر ممکن سہولت فراہم کرتی رہے گی۔
اسرائیلی وزیراعظم بنیامین نیتن یاہو کے دفتر نے اتوار کی شام اعلان کیا تھا کہ ران گویلی کی لاش بازیاب ہونے کے بعد رفح بارڈر کراسنگ، جو غزہ اور مصر کے درمیان اہم تجارتی و سفری راستہ ہے، دوبارہ کھول دی جائے گی۔
مزید پڑھیں: غزہ جنگ بندی کے دوسرے مرحلے سے قبل حماس کا اہم بیان آگیا
واضح رہے کہ امریکی صدر ڈونلڈ ٹرمپ نے غزہ جنگ بندی کے دوسرے مرحلے کا اعلان کردیا گیا، جس کے تحت کئی اہم ممالک ’غزہ بورڈ آف پیس‘ کا حصہ بن گئے جن میں پاکستان بھی شامل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی یرغمالی جنگ بندی معاہدہ حماس غزہ جنگ بندی لاش برآمد وی نیوز.
ذریعہ
ذریعہ: WE News
کلیدی لفظ: اسرائیلی یرغمالی جنگ بندی معاہدہ لاش برا مد وی نیوز اسرائیلی یرغمالی کی لاش
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا