جنگ بندی کے باوجود جنوبی لبنان میں اسرائیلی فضائی حملے، دو افراد جاں بحق
اشاعت کی تاریخ: 26th, January 2026 GMT
بیروت: جنوبی لبنان میں اسرائیلی فضائی حملوں کے نتیجے میں دو افراد جاں بحق اور متعدد زخمی ہو گئے۔
لبنان کی وزارت صحت نے حملے کی تصدیق کردی جبکہ اسرائیلی فوج نے دعویٰ کیا کہ اس نے حزب اللہ کے اہداف کو نشانہ بنایا۔
لبنان کی وزارت صحت کے مطابق خربت سلم کے قریب ایک حملے میں ایک شخص ہلاک اور پانچ زخمی ہوئے، جبکہ دردغایا گاؤں میں علیحدہ حملے میں ایک اور شخص ہلاک ہوا۔
اسرائیلی فوج نے خربت سلم میں ایک "ہتھیار بنانے والی فیکٹری" پر حملے کا دعویٰ کیا، جہاں اس نے حزب اللہ کے دہشت گردانہ سرگرمیوں کی شناخت کی تھی۔
اسرائیلی فوج نے کہا کہ اس نے دردغایا میں بھی حزب اللہ کے ایک رکن پر حملہ کیا، اور مشرقی بکا علاقے میں حزب اللہ کی فوجی تنصیبات کو نشانہ بنایا۔
لبنان کی سرکاری خبر رساں ایجنسی کے مطابق جنوبی لبنان میں حملے کا ایک ہدف ہینگر اور دردغایا میں ایک کار تھی، جبکہ مشرقی علاقے میں پہاڑوں کو نشانہ بنایا گیا۔
واضح رہے کہ اسرائیل نے نومبر 2024 میں حزب اللہ کے ساتھ ایک جنگ بندی کے بعد بھی لبنان میں حملے جاری رکھے ہوئے ہیں، جبکہ لبنان کی فوج نے اس ماہ حزب اللہ کو غیر مسلح کرنے کا منصوبہ مکمل کیا ہے، جسے اسرائیل ناکافی قرار دیتا ہے۔
.
ذریعہ
ذریعہ: Express News
کلیدی لفظ: حزب اللہ کے لبنان کی میں ایک فوج نے
پڑھیں:
مشرقِ وسطیٰ کی صورتحال قابو سے باہر، فوری جنگ بندی ضروری ہے، انتونیو گوتریس
اقوام متحدہ کے سیکرٹری جنرل کا کہنا تھا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔ اسلام ٹائمز۔ اقوام متحدہ کے سیکرٹری جنرل انتونیو گوتریس نے مشرقِ وسطیٰ میں بڑھتی ہوئی کشیدگی پر شدید تشویش کا اظہار کرتے ہوئے کہا ہے کہ خطے کی صورتحال قابو سے باہر ہوتی جا رہی ہے اور فوری طور پر لڑائی روکنا ناگزیر ہے۔ اپنے ایک بیان میں انتونیو گوتریس نے کہا کہ اب واپس پلٹنے کا وقت آ گیا ہے اور ہر جگہ جنگ و جدل کا خاتمہ ہونا چاہیے تاکہ مزید انسانی جانوں کے ضیاع کو روکا جا سکے۔
انہوں نے زور دیا کہ بحری راستوں پر آزادانہ آمدورفت بحال کی جائے، کیونکہ عالمی تجارت اور علاقائی استحکام کے لیے محفوظ بحری گزرگاہیں انتہائی اہم ہیں۔ اقوام متحدہ کے سیکرٹری جنرل نے کہا کہ موجودہ بحران سے نکلنے کا واحد مؤثر راستہ سفارت کاری، مذاکرات اور سیاسی حل ہے، اور تمام فریقین کو کشیدگی کم کرنے کے لیے فوری اقدامات کرنے چاہییں۔
بھارت سے جنگ اور افغانستان میں کارروائی خارج ازامکان نہیں، وزیردفاع