وفاقی حکومت آپریشن کا ملبہ صوبے پر ڈالنے کی ناکام کوشش کر رہی ہے، شفیع جان
اشاعت کی تاریخ: 26th, January 2026 GMT
پشاور:خیبرپختونخوا کے وزیراعلیٰ سہیل آفریدی کے معاونِ خصوصی برائے اطلاعات شفیع جان نے کہا ہے کہ وفاقی حکومت وادی تیراہ میں ہونے والے آپریشن کا ملبہ صوبائی حکومت پر ڈالنے کی ناکام کوشش کر رہی ہے، جبکہ حقائق پوری قوم کے سامنے آ چکے ہیں۔ انہوں نے وفاقی حکومت کے حالیہ بیان پر سخت ردعمل دیتے ہوئے کہا کہ وادی تیراہ سے لوگوں کے انخلا سے متعلق وفاقی مؤقف بے بنیاد اور گمراہ کن ہے۔
شفیع جان نے کہا کہ یہ بات اب کسی سے ڈھکی چھپی نہیں رہی کہ وادی تیراہ سے عوام آپریشن کی وجہ سے نقل مکانی پر مجبور ہوئے ہیں، وفاقی وزرا خواجہ آصف اور طلال چوہدری کی قومی اسمبلی میں کی گئی تقاریر ریکارڈ پر موجود ہیں، جن میں آپریشن اور اس کے نتیجے میں ہونے والی نقل مکانی کا واضح اعتراف کیا گیا تھا۔ اس کے باوجود اب حقائق کو مسخ کرنے کی کوشش قابلِ افسوس ہے۔
معاونِ خصوصی کا کہنا تھا کہ وزیراعلیٰ خیبرپختونخوا وادی تیراہ میں آپریشن کے حوالے سے اپنا مؤقف متعدد بار واضح کر چکے ہیں، صوبائی اسمبلی میں جرگہ امن کے موقع پر تمام سیاسی جماعتوں نے متفقہ طور پر آپریشن کی مخالفت کی تھی اور یہ مطالبہ کیا گیا تھا کہ کسی بھی بڑے فیصلے سے قبل صوبائی حکومت، منتخب نمائندوں، سیاسی جماعتوں اور دیگر متعلقہ اسٹیک ہولڈرز کو اعتماد میں لیا جائے، اس کے باوجود صوبے کو نظرانداز کیا گیا، جو وفاقی طرزِعمل پر سوالیہ نشان ہے۔
انہوں نے مزید کہا کہ وفاقی حکومت کی جانب سے نقل مکانی کرنے والوں کے لیے 4 ارب روپے کے اجرا سے متعلق بیان انتہائی مضحکہ خیز ہے، زمینی حقائق اس کے برعکس ہیں اور صوبائی حکومت نے متاثرین کی مشکلات کو مدنظر رکھتے ہوئے بروقت اقدامات کیے، صوبائی حکومت نے انخلا کرنے والے خاندانوں کو ریلیف فراہم کرنے کے لیے فوری طور پر فنڈز جاری کیے اور انتظامی سطح پر ہر ممکن تعاون کیا گیا۔
شفیع جان نے کہا کہ صوبائی حکومت متاثرین کو تنہا نہیں چھوڑے گی اور ان کی بحالی، امداد اور بنیادی سہولیات کی فراہمی اس کی اولین ترجیح ہے۔ انہوں نے وفاقی حکومت پر زور دیا کہ وہ سیاسی پوائنٹ اسکورنگ کے بجائے زمینی حقائق کو تسلیم کرے اور متاثرہ عوام کی مدد کے لیے عملی اقدامات کرے، بحرانوں میں ذمہ داری قبول کرنا ہی درست طرزِ حکمرانی ہے، نہ کہ ایک دوسرے پر الزام تراشی۔
انہوں نے واضح کیا کہ خیبرپختونخوا حکومت امن و استحکام کی حامی ہے، تاہم کسی بھی کارروائی کے نتائج بھگتنے والے عوام کے حقوق کا تحفظ ناگزیر ہے اور اس ضمن میں وفاق اور صوبے کو مل کر ذمہ داری نبھانا ہوگی۔
.
ذریعہ
ذریعہ: Al Qamar Online
کلیدی لفظ: پاکستان کھیل صوبائی حکومت وفاقی حکومت وادی تیراہ شفیع جان انہوں نے کیا گیا کہا کہ
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا