بھارت: نِپاہ وائرس کے پیشِ نظر مغربی بنگال میں ہائی الرٹ، 100 افراد قرنطینہ
اشاعت کی تاریخ: 26th, January 2026 GMT
بھارتی ریاست مغربی بنگال میں نپاہ وائرس کے پھیلاؤ کی اطلاعات کے بعد مقامی انتظامیہ نے فوری طور پر ہائی الرٹ جاری کر دیا ہے اور حفاظتی اقدامات سخت کر دیے ہیں۔
بین الاقوامی میڈیا رپورٹس کے مطابق صورتحال کے تناظر میں تقریباً 100 افراد کو گھروں میں قرنطینہ کر دیا گیا ہے جبکہ ایک مریض کی حالت تشویشناک بتائی جا رہی ہے۔
حکام نے شہریوں کو ہدایت کی ہے کہ وہ احتیاطی تدابیر اختیار کریں اور بلا ضرورت عوامی مقامات پر جانے سے گریز کریں۔ مقامی صحت کے ادارے متاثرہ علاقوں میں نگرانی بڑھا رہے ہیں اور ممکنہ رابطے میں آنے والے افراد کی صحت کی جانچ جاری ہے۔
بین الاقوامی سطح پر بھی خطرے کو سنجیدگی سے لیا جا رہا ہے، تھائی لینڈ نے مغربی بنگال سے آنے والے مسافروں کے لیے بڑے ہوائی اڈوں پر متعدی بیماریوں کی اسکریننگ کا آغاز کر دیا ہے تاکہ وائرس کی سرحد پار پھیلنے کی صورت میں فوری طور پر روک تھام کی جا سکے۔
واضح رہے کہ نپاہ وائرس پہلی بار 1998 میں ملائیشیا میں سامنے آیا تھا، یہ ایک خطرناک زونوٹک وائرس ہے، جو بنیادی طور پر چمگادڑوں کے ذریعے انسانی آبادی تک پہنچتا ہے،اس وائرس کے لیے فی الوقت کوئی مخصوص علاج یا منظور شدہ ویکسین دستیاب نہیں، جس کی وجہ سے عوامی احتیاط اور حکومتی اقدامات ناگزیر ہیں۔
ماہرین صحت نے تنبیہ کی ہے کہ نپاہ وائرس انسانی جسم میں شدید انفیکشن اور نمونیا جیسے پیچیدہ علامات پیدا کر سکتا ہے، اور اس کی بروقت تشخیص اور قرنطینہ کے اقدامات ہی اس کے پھیلاؤ کو روکنے میں مؤثر ثابت ہو سکتے ہیں۔ مغربی بنگال میں موجود طبی ادارے اور حکومت اس وبائی خطرے سے نمٹنے کے لیے شب و روز سرگرم ہیں، جبکہ بین الاقوامی کمیونٹی بھی اس صورتحال پر نظر رکھے ہوئے ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل مغربی بنگال
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار