سعودی عرب: اسکول کے 500 طلبہ کی کتابیں بیک وقت شائع، گنیز ورلڈ ریکارڈ قائم
اشاعت کی تاریخ: 26th, January 2026 GMT
سعودی عرب کے دارالحکومت ریاض میں سینکڑوں اسکول کے طلبہ نے ایک منفرد تاریخ رقم کردی ہے، جنہوں نے یہ ثابت کیا کہ جدید ٹیکنالوجی اور توجہ بٹانے والے عوامل کے اس دور میں بھی کتابوں کی اہمیت برقرار ہے۔
سعودی دارالحکومت میں حال ہی میں الف انٹرنیشنل اسکول کے طلبہ کی جانب سے تحریر کردہ 500 کتابوں کی بیک وقت رونمائی کی گئی، جو ایک مشترکہ کاوش کے تحت طلبہ کی لکھی گئی سب سے زیادہ کتابوں کی لانچنگ کا ریکارڈ ہے۔
مزید پڑھیں: اتنی مہنگی کتاب: 1937 میں شائع ہوئی ’دی ہوبٹ‘ کا پہلا ایڈیشن کتنے پاؤنڈز میں فروخت ہوا؟
اس غیر معمولی کامیابی پر طلبہ نے گنیز ورلڈ ریکارڈز میں اپنا نام درج کروا لیا، جس کی خوشی میں’بک بلوم 500 ‘ کے عنوان سے شاندار تقریب منعقد کی گئی۔
گنیز ورلڈ ریکارڈز کے سرکاری جج پروین پٹیل نے کہاکہ یہ نمایاں ادبی سنگِ میل سب سے بڑی تخلیقی تحریری کلاس کے طور پر منعقد کیا گیا، اور بک بلوم 500 منصوبہ تمام مطلوبہ شرائط پر پورا اترا۔
تقریب کے مہمانِ خصوصی معروف سعودی صحافی خالد المعینہ تھے، جبکہ اس موقع پر سعودی اور غیر ملکی کمیونٹی کی نمایاں شخصیات، والدین اور اساتذہ نے بھی شرکت کی۔
تقریب سے خطاب کرتے ہوئے عرب نیوز کے سابق مدیر اعلیٰ نے نوجوان مصنفین کو مبارکباد دی اور امید ظاہر کی کہ ان میں سے کئی طلبہ مستقبل میں عظیم مصنف بن کر دنیا کی بہتری اور انسانیت کی خدمت میں کردار ادا کریں گے۔
انہوں نے والدین اور اساتذہ کو بچوں کی ہمہ جہت تربیت میں اپنے اہم کردار کی یاد دہانی بھی کروائی۔
ننھے مصنفین اس وقت خوشی سے جھوم اٹھے جب معزز مہمانوں نے ان کی کتابوں کی رونمائی کی۔ ان کے چہروں پر مسکراہٹیں عالمی ریکارڈ قائم کرنے پر فخر اور مسرت کی عکاس تھیں۔
الف گروپ آف اسکولز کے چیئرمین شیخ علی عبدالرحمان نے اس تاریخی کامیابی کو ممکن بنانے والی ٹیم ورک کو سراہا۔
الف گروپ آف اسکولز کے سی ای او لقمان احمد نے بتایا کہ اس ریکارڈ کے حصول کے لیے اسکول انتظامیہ، اساتذہ اور والدین نے ایک سال تک مسلسل محنت کی۔
انہوں نے کہاکہ اجتماعی کوششوں کے ذریعے اسکول کے تمام 1300 طلبہ میں مطالعے کی عادت کو فروغ دیا گیا، جس کے نتیجے میں ایک تہائی سے زیادہ طلبہ مصنفین کی دنیا میں داخل ہوئے۔
مزید پڑھیں: ہاتھوں سے محروم بلوچستان کے ادیب جنہوں نے پاؤں سے 19 کتابیں لکھیں
ان کا کہنا تھا کہ اس منصوبے کے تحت انگریزی، عربی اور مزید پانچ زبانوں میں مختلف موضوعات پر کتابیں شائع کی گئیں۔
تقریب میں ننھے بچوں کی جانب سے دلکش پرفارمنس بھی پیش کی گئی، جس نے شرکا کو خوب محظوظ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
500 کتابیں شائع wenews ریاض سعودی عرب وی نیوز.
ذریعہ
ذریعہ: WE News
کلیدی لفظ: 500 کتابیں شائع ریاض وی نیوز کتابوں کی اسکول کے کی گئی
پڑھیں:
برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب
برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب WhatsAppFacebookX 0 24 July, 2026 سب نیوز
اسلام آباد(سب نیوز) : برطانوی ہائی کمیشن نے گلاسگو 2026 دولتِ مشترکہ کھیلوں کے آغاز کے موقع پر اسلام آباد میں ایک خصوصی استقبالیہ کا اہتمام کیا، جس میں کھیلوں، حکومت، سول سوسائٹی، میڈیا اور دولتِ مشترکہ کے سابق اسکالرز و فیلوز سمیت مختلف شعبہ ہائے زندگی سے تعلق رکھنے والے مہمانوں نے شرکت کی۔
تقریب کے ذریعے اسلام آباد میں گلاسگو کی ایک جھلک پیش کی گئی۔ گلاسگو میں دولتِ مشترکہ کھیل 23 جولائی سے 2 اگست 2026 تک جاری رہیں گے۔ دولتِ مشترکہ کے 74 ممالک اور خطوں سے تقریباً 3,000 ایتھلیٹس 10 کھیلوں میں حصہ لیں گے، جن میں پیرا اسپورٹس کے چھ مقابلے بھی شامل ہیں۔
تقریب میں دولتِ مشترکہ بھر میں تعلیم کے فروغ کے لیے برطانیہ کی معاونت کو بھی اجاگر کیا گیا۔ دولتِ مشترکہ اسکالرشپس اور فیلوشپس گزشتہ 60 برس سے طلبہ اور مستقبل کے رہنماؤں کی معاونت کر رہی ہیں۔
برطانوی ہائی کمشنر جین میریٹ سی ایم جی او بی ای نے کہا:
’’دولتِ مشترکہ کھیل صرف تمغوں سے کہیں بڑھ کر ہیں۔ یہ لوگوں کو ایک دوسرے کے قریب لاتے ہیں، صلاحیتوں کو اجاگر کرتے ہیں اور یہ ظاہر کرتے ہیں کہ کھیل کس طرح معاشروں کو متحد کرنے کی طاقت رکھتے ہیں۔
پاکستان کی کھیلوں میں ایک شاندار تاریخ ہے اور ملک کے ایتھلیٹس آج بھی نوجوانوں کے لیے تحریک کا باعث بن رہے ہیں۔ جب گلاسگو دولتِ مشترکہ کا خیرمقدم کر رہا ہے، تو ہمیں برطانیہ، پاکستان اور اپنے دولتِ مشترکہ کے خاندان کے درمیان مضبوط روابط کو منانے پر فخر ہے۔‘‘
استقبالیہ میں دوستی اور مواقع کے جذبے کو اجاگر کیا گیا اور مہمانوں نے اسلام آباد میں گلاسگو 2026 کے آغاز کے موقع پر دولتِ مشترکہ کھیلوں کی روح کو منایا۔
استقبالیے سے قبل برطانوی ہائی کمیشن نے ’’کوئین الزبتھ دوم دولتِ مشترکہ ٹرسٹ 100 ینگ لیڈرز ایوارڈز‘‘ حاصل کرنے والے پاکستانی نوجوانوں کے لیے ایک مختصر ایوارڈ تقریب بھی منعقد کی۔
مندرجہ ذیل نوجوان رہنماؤں کو تعلیم، شمولیت، نوجوانوں کو بااختیار بنانے، ٹیکنالوجی اور صنفی مساوات کے شعبوں میں ان کی خدمات کے اعتراف میں ایوارڈز سے نوازا گیا:
فراح گل رہوجہ، پاک جی پی ٹی کی شریک بانی، پسماندہ آبادیوں میں تعلیم، صحت اور موسمیاتی لچک کے فروغ کے لیے جامع مصنوعی ذہانت کا استعمال کر رہی ہیں۔ حسن اشرف، امید فاؤنڈیشن کے بانی اور چیف ایگزیکٹو آفیسر، پاکستان بھر میں چائلڈ لیبر سے وابستہ اور پسماندہ بچوں کے لیے مفت تعلیم کے فروغ کے لیے کام کر رہے ہیں۔ حادیقہ بشیر، گرلز یونائیٹڈ فار ہیومن رائٹس کی بانی اور ایگزیکٹو ڈائریکٹر، کم عمری کی شادی کے خاتمے، صنفی بنیاد پر تشدد سے نمٹنے اور لڑکیوں کی تعلیم کے فروغ کے لیے کام کر رہی ہیں۔ جوشوا دل آور، آئی ایس وائی ڈی کے بانی اور ایگزیکٹو ڈائریکٹر، نوجوانوں کی شمولیت، صحت میں مساوات اور صنفی مساوات کے فروغ کے لیے کام کر رہے ہیں، جس میں بہرے نوجوانوں کو ہم عمر تربیت کار کے طور پر تربیت دینا بھی شامل ہے۔گلاسگو 2026، برطانیہ کی جانب سے گلاسگو 2014 اور برمنگھم 2022 دولتِ مشترکہ کھیلوں کی کامیاب میزبانی کے بعد منعقد ہو رہا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی اگلی خبرچینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا کیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر پاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی وزیراعظم نے لیفٹیننٹ جنرل عامر رضا کو فور اسٹار جنرل کے عہدے پر ترقی دے دیCopyright © 2026, All Rights Reserved
رابطہ کریں ہماری ٹیم
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم