روزہ رسول ﷺ پرحاضری کیلئےوفد سرکاری خرچ پر بھجوایاجائے؛مذہبی امور کمیٹی کی سفارش
اشاعت کی تاریخ: 26th, January 2026 GMT
سٹی 42 : قومی اسمبلی کی قائمہ کمیٹی برائے مذہبی امور نے سفارش کی ہے کہ روزۂ رسول ﷺ پر حاضری کے لیے پارلیمانی وفد کو سرکاری خرچ پر مدینہ منورہ بھجوایا جائے جو پاکستانی عوام کی جانب سے درود و سلام پیش کرے گا۔
قائمہ کمیٹی کے اجلاس میں بتایا گیا کہ اس سے قبل بھی پارلیمانی وفد پاکستانی عوام کی نمائندگی کرتے ہوئے روزۂ رسول ﷺ پر سلام پیش کرنے جا چکا ہے۔ کمیٹی نے سفارش کی کہ یہ وفد ہر برس مدینہ منورہ اور مکہ مکرمہ کا دورہ کرے اور عوام کی جانب سے مکہ مکرمہ میں عمرہ بھی ادا کرے۔
اولڈ ایسوسی ایٹس آف کنیرڈ سوسائٹی کے زیرِاہتمام کنیرڈ کالج میں ایمپاور ہر فیسٹیول
کمیٹی کے مطابق وفد میں شامل ارکان کے اہلِ خانہ بھی ہمراہ جا سکیں گے تاہم اہلِ خانہ یا دیگر رشتہ داروں کے اخراجات خود برداشت کرنا ہوں گے۔ کمیٹی نے واضح کیا کہ سرکاری اخراجات صرف وفد کے ارکان تک محدود ہوں گے۔
اجلاس میں سفارش کی گئی کہ اسپیکر قومی اسمبلی وفد کے ارکان نامزد کریں گے جبکہ اسپیکر کی غیر موجودگی میں چیئرمین قائمہ کمیٹی وفد کی سربراہی کر سکیں گے۔ اعجاز الحق نے وفد کے ارکان کی تعداد 7 سے بڑھا کر 10 کرنے کی تجویز دی، جس کی حمایت کرتے ہوئے ثمینہ گھرکی نے کہا کہ کم تعداد ہونے سے دیگر ارکان میں غلط فہمی پیدا ہو سکتی ہے،کمیٹی نے وفد کی تعداد 10 کرنے کی سفارش منظور کر لی۔
بنوں: پولیس موبائل وین پر حملہ، فائرنگ کے تبادلے میں 2 دہشتگرد جہنم واصل
کمیٹی نے کہا کہ پارلیمانی وفد کو قومی اسمبلی کی چھتری تلے لایا جانا چاہیے اور اس کے تمام اخراجات قومی اسمبلی برداشت کرے۔ شگفتہ جمانی نے کہا کہ اگر اخراجات خود ادا کیے جائیں تو اسے سرکاری وفد قرار نہیں دیا جا سکتا، جبکہ اسپیکر ماضی میں بڑے وفود کے ساتھ دورے کرتے رہے ہیں۔
کمیٹی نے سفارش کی کہ پاکستان ہاؤس کی سعودی عرب میں تعمیر مکمل ہونے تک وفد کو سرکاری خرچ پر ہوٹل میں ٹھہرایا جائے۔ اس کے ساتھ ہی وفد کو اسٹیٹ گیسٹ قرار دینے کے لیے دفتر خارجہ کے نمائندے کو طلب کرنے کی ہدایت بھی دی گئی۔
بہاولپور چڑیا گھر سے بندروں کے فرار کا واقعہ، 2 افراد زخمی
وفاقی وزیر مذہبی امور سردار یوسف نے کمیٹی کی تجاویز کی حمایت کرتے ہوئے کہا کہ وزارت مذہبی امور وفد کو مکہ مکرمہ اور مدینہ منورہ میں ممکنہ سہولیات فراہم کرے گی، جن میں میڈیکل سہولیات، پاکستان حج ڈائریکٹ کی جانب سے جدہ ٹرانسپورٹ اور لائیزن افسر کی تعیناتی شامل ہے۔ انہوں نے کہا کہ مسجد نبوی ﷺ میں نوافل کی ادائیگی، زیارت، آدابِ بارگاہِ نبوی ﷺ اور عمرہ کے طریقہ کار پر وفد کی رہنمائی بھی کی جائے گی۔
راولپنڈی؛ بچوں کی نازیبا ویڈیوز وائرل کرنے والا درندہ صفت ملزم گرفتار
کمیٹی نے سفارش کی کہ وزارت مذہبی امور دورے کی بھرپور میڈیا کوریج کا بھی اہتمام کرے۔ اجلاس میں یہ بھی بتایا گیا کہ قومی اسمبلی اس سے قبل بھی مدینہ منورہ وفد بھجوانے کی قرارداد منظور کر چکی ہے۔
آخر میں کمیٹی چیئرپرسن نے سفارش کی کہ وفاقی وزیر مذہبی امور اسپیکر قومی اسمبلی کو خط لکھیں جس میں وفد کے تمام اخراجات قومی اسمبلی کی جانب سے برداشت کرنے کی درخواست کی جائے۔
وفاقی وزیر سردار یوسف نے کہا کہ وفد کا جانا ایک اعزاز ہے اور اس کے سرکاری خرچ پر جانے میں کوئی حرج نہیں کیونکہ یہ وفد پوری قوم کی جانب سے روزۂ رسول ﷺ پر درود و سلام پیش کرے گا۔
مری میں کل سے برف باری کا نیا سپیل؛ الرٹ جاری
.
ذریعہ
ذریعہ: City 42
کلیدی لفظ: نے سفارش کی کہ سرکاری خرچ پر قومی اسمبلی کی جانب سے رسول ﷺ پر نے کہا کہ کمیٹی نے کرنے کی وفد کو وفد کے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا