حکومت قیام امن اور شہریوں کے تحفظ میں ناکام ثابت ہوئی، جماعت اسلامی
اشاعت کی تاریخ: 26th, January 2026 GMT
اجلاس سے خطاب کرتے ہوئے صوبائی نائب امیر حافظ نصراللہ چنا نے کہا کہ اسلام کا عادلانہ نظام ہی دنیا کو امن اور انسانیت کو تحفظ، چین و سکون دے سکتا ہے۔ اسلام ٹائمز۔ جماعت اسلامی سندھ کے نائب امیر حافظ نصراللہ چنا نے کہا ہے کہ کراچی سے کشمور پورا سندھ ڈاکو راج کے حوالے ہے، گزشتہ روز شکارپور میں ایک اور ایس ایچ او کا ڈاکوﺅں کے ہاتھوں قتل صوبہ میں امن و امان کے حکومتی دعوؤں کی نفی ہے، ایسا لگتا ہے سندھ امن، انصاف اور قانون نام کی کوئی چیز نہیں ہے، اسلام کا عادلانہ نظام ہی دنیا کو امن اور انسانیت کو تحفظ، چین و سکون دے سکتا ہے، جماعت اسلامی کی ’بدل دو نظام کو سنوار دو سندھ کو‘ مہم بھی اسی سلسلے کی کڑی ہے، ان خیالات کا اظہار انہوں نے تحصیل کشمور کے ذمہ داران کے اجلاس سے خطاب کے دوران کیا۔
حافظ نصراللہ چنا نے کہا کہ سندھ حکومت صوبے میں قیام امن اور شہریوں کی جان و مال کے تحفظ میں ناکام ثابت ہوئی، کراچی میں تجارتی مرکز گل پلازہ وقعے نے پیپلز پارٹی کی سندھ حکومت کی 18 سالہ کارکردگی عیاں کر دی ہے۔ انہوں نے کہا کہ پیٹرول، گیس اور کالے سونے کی دولت سے مالامال سندھ کے عوام غربت اور بھوک و بدحالی کا شکار ہیں، بینظیر انکم سپوٹ پروگرام میں اربوں روپے خرچ کرنے کے باوجود غربت میں اضافہ، تھر میں بچے خوراک کی قلت و سہولت کے فقدان کی وجہ سے مر رہے ہیں، لوگ خودکشیاں کر رہے ہیں۔ انہوں نے کہا کہ اس لیے نظام و قیادت کی تبدیلی سے ہی سندھ اور عوام کی قسمت تبدیل ہو سکتی ہے، اس لیے جماعت اسلامی جدوجہد کر رہی ہے۔
ذریعہ
ذریعہ: Islam Times
کلیدی لفظ: جماعت اسلامی نے کہا کہ امن اور
پڑھیں:
جعلی ادویات بیچنا اب آسان نہیں! پاکستان میں پہلی بار جدید ٹریکنگ سسٹم کا نفاذ
ملک میں جعلی اور غیر معیاری ادویات کے خاتمے کی جانب ایک اہم پیش رفت سامنے آئی ہے جہاں وفاقی کابینہ نے ملک بھر میں ادویات کے لیے جدید ٹریک اینڈ ٹریس نظام نافذ کرنے کی منظوری دے دی ہے۔ اس اقدام کا مقصد عوام کو جعلی دواؤں سے محفوظ بنانا اور دوا سازی کے شعبے میں شفافیت اور نگرانی کو مزید موثر بنانا ہے۔منگل کے روز وزیر صحت مصطفیٰ کمال نے اس فیصلے کا اعلان کرتے ہوئے بتایا کہ نئے نظام کے نفاذ کے لیے ڈرگ لیبلنگ اور پیکنگ رولز میں ضروری ترامیم کی بھی منظوری دے دی گئی ہے۔ ان تبدیلیوں کے بعد ایک جدید ڈیجیٹل نظام متعارف کرایا جائے گا.جس کے ذریعے ادویات کی تیاری سے لے کر صارف تک پہنچنے کے پورے عمل کی نگرانی اور تصدیق ممکن ہو سکے گی۔وزیر صحت کے مطابق یہ فیصلہ پاکستان سے جعلی، نقلی اور ناقص معیار کی ادویات کے خاتمے کی جانب ایک تاریخی قدم ہے۔ ان کا کہنا تھا کہ پہلی مرتبہ ملک میں دستیاب ہر دوا کو ڈیجیٹل طریقے سے ٹریک اور تصدیق کیا جا سکے گا.جس سے ادویات کے نظام میں شفافیت، تحفظ اور جوابدہی میں نمایاں بہتری آئے گی۔نئے ضوابط کے تحت تمام دوا ساز کمپنیوں اور درآمد کنندگان کو اپنی مصنوعات کی پیکنگ پر معیاری ٹو ڈی (2D) بارکوڈز اور سیریلائزیشن ڈیٹا درج کرنا ہوگا۔ اس نظام کے ذریعے متعلقہ ادارے ادویات کی نقل و حرکت پر پیداواری مرحلے سے لے کر صارف تک مسلسل نظر رکھ سکیں گے، جبکہ جعلی مصنوعات کی نشاندہی اور ان کے خاتمے میں بھی مدد ملے گی۔مصطفیٰ کمال نے کہا کہ نظام مکمل طور پر فعال ہونے کے بعد عوام کسی بھی دوا کی میعاد ختم ہونے کی تاریخ، قیمت اور تصدیقی حیثیت سمیت دیگر اہم معلومات تک آسانی سے رسائی حاصل کر سکیں گے۔ اس سے مریضوں کو بہتر اور باخبر فیصلے کرنے میں مدد ملے گی اور دواسازی کے شعبے پر عوامی اعتماد میں اضافہ ہوگا۔اس منصوبے پر عمل درآمد کی نگرانی ڈرگ ریگولیٹری اتھارٹی آف پاکستان (DRAP) کرے گی جو دوا ساز صنعت کے لیے تفصیلی تکنیکی رہنما اصول بھی جاری کرے گی تاکہ نئے نظام سے مطابقت پیدا کرنے میں آسانی ہو۔ اعلامیے کے مطابق اس سلسلے میں متعلقہ فریقوں کے ساتھ مشاورتی اجلاس پہلے ہی منعقد کیے جا چکے ہیں تاکہ منتقلی کا عمل بغیر کسی رکاوٹ کے مکمل ہو سکے۔وزیر صحت نے اس بات پر زور دیا کہ جدید ڈیجیٹل نظام روایتی نگرانی کے طریقوں کی جگہ لے کر ادویات کی فراہمی کے پورے نظام کو زیادہ محفوظ اور معیاری بنائے گا۔ ان کے بقول جدید ٹیکنالوجی کا استعمال پاکستان کو خطے کے ان ممالک کی صف میں شامل کرے گا جہاں ادویات کی نگرانی اور ریگولیشن کے جدید ترین نظام رائج ہیں۔انہوں نے مزید کہا کہ ٹریک اینڈ ٹریس نظام جعلی ادویات کے خلاف ایک مضبوط حفاظتی دیوار ثابت ہوگا اور عوامی صحت، انسانی جانوں اور دواسازی کے نظام پر اعتماد کے تحفظ میں کلیدی کردار ادا کرے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ