یو اے ای لاٹری کے تازہ ترین ڈرا میں 3 خوش نصیبوں نے انعام جیت لیا
اشاعت کی تاریخ: 26th, January 2026 GMT
دبئی (نیوز ڈیسک) متحدہ عرب امارات میں ہونے والی لاٹری کے تازہ ترین ڈرا میں 3 خوش نصیب شرکاء نے ایک لاکھ درہم فی کس کا انعام جیت لیا ہے۔
قرعہ اندازی کے نتائج سامنے آتے ہی لاٹری میں حصہ لینے والے افراد میں خوشی اور جوش کی فضا دیکھی گئی۔
منتظمین کے مطابق یہ ڈرا مقررہ ضوابط اور شفاف طریقۂ کار کے تحت منعقد کیا گیا، جس میں مختلف قومیتوں سے تعلق رکھنے والے افراد نے حصہ لیا، لاٹری حکام کا کہنا ہے کہ انعامی سکیموں کا مقصد عوام کو ایک محفوظ اور باقاعدہ نظام کے تحت مواقع فراہم کرنا ہے۔
ذرائع کے مطابق یو اے ای میں لاٹری اور انعامی پروگرامز میں دلچسپی مسلسل بڑھ رہی ہے، جہاں ہر ڈرا کے ساتھ نئے شرکاء شامل ہو رہے ہیں، مالیاتی ماہرین کا کہنا ہے کہ اس طرح کے شفاف نظام عوامی اعتماد کو فروغ دیتے ہیں اور تفریح کے ساتھ محدود سطح پر مواقع فراہم کرتے ہیں۔
اختتام پر منتظمین نے کہا کہ آئندہ بھی لاٹری کے مزید ڈراز منعقد کئے جائیں گے، جس سے شرکاء کو بڑے انعامات جیتنے کے مزید مواقع ملیں گے اور اس نظام میں عوام کی دلچسپی برقرار رہے گی۔
.
ذریعہ
ذریعہ: Daily Mumtaz
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ