جامشورو، ایپکا بلوچستان کے رہنمائوں کی گرفتاری کیخلاف احتجاج
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
جامشورو (نمائندہ جسارت )آل پاکستان کلرکس ایسوسی ایشن(ایپکا) سندھ کے صدر محمد رفیق جتوئی جنرل سیکرٹری سندھ اشرف خان بوزئی کی ہدایت پر ایپکا ڈسٹرکٹ جامشورو کی جانب سے صوبائی ڈپٹی جنرل سیکرٹری قاضی اقبال کی قیادت میں بلوچستان میں ایپکا کے صوبائی صدر حاجی اصغر بنگلزئی سمیت دیگر رہنماوں کی بلا جواز گرفتاری کے خلاف پیرا میڈیکل انسٹیٹیوٹ میں تالہ بندی کرکے احتجاجی مظاہرہ کیا گیا۔ اِس دوران میڈیا سے گفتگو کرتے ہوئے ہوئے (ایپکا) ڈسٹرکٹ جامشورو کے ڈپٹی جنرل سیکرٹری قاضی اقبال کا کہنا تھا کہ گرینڈ الائنس کے رہنماؤں پیرا میڈیکل اسٹاف ایسو سی ایشن کے صوبائی صدر حاجی شفا مینگل جی، ٹی اے کے صوبائی صدر سجاد رِند، اپیکا کے صوبائی صد ر علی اصغربنگلزئی اور احتجاج کے دوران ملازمین کی گرفتاری کی سخت الفاظ میں مذمت کرتے ہیں۔ اْن کا کہنا تھا پولیس نے غیر انسانی کارروا ئی کرتے ہوئے ملازمین پر شدید شیلنگ کی، جس کے نتیجے میں کئی ملازمین متاثر ہوگئے، جوکہ ملازمین کے بنیادی حقوق کی کھلم کھلا خلاف ور زی ہے۔ اْن کا مزید کہنا تھا جبکہ ملازمین اپنے جائز مطالبات، تنخواہوں کے الائونسز اور ملازمین کے دیگر حقوق مراعات کے سلسلے میں مطالبہ کررہے تھے۔ اْن کا کہنا تھا اِس طرح کے تشدد، گرفتاریوں کا رویہ ناقابل قبول اور جمہوری اقدار کے خلاف ہے۔ اْنہوں نے مطالبہ کیا کہ تمام گرفتار رہنما ؤ ں اور ملازمین کو رہا کیا جائے۔
ذریعہ
ذریعہ: Jasarat News
پڑھیں:
برطانیہ؛ 70 ارکانِ کا نئے وزیراعظم کو خط؛ اسرائیل کیخلاف سخت اقدامات کا مطالبہ
برطانیہ کے 70 سے زائد ارکانِ پارلیمنٹ نے نئے وزیراعظم اینڈی برنہم سے مطالبہ کیا ہے کہ وہ غزہ میں اسرائیلی کارروائیوں کے حوالے سے اقوامِ متحدہ کے آزاد تحقیقاتی کمیشن کے نتائج کو باضابطہ طور پر تسلیم کریں اور اسرائیل کے خلاف فوری اور مؤثر اقدامات کریں۔
عالمی خبر رساں ادارے کے مطابق خط میں نشاندہی کی گئی ہے کہ گزشتہ ماہ جاری ہونے والی اقوامِ متحدہ کی آزاد تحقیقاتی رپورٹ میں یہ نتیجہ اخذ کیا گیا تھا کہ غزہ میں اسرائیلی فوج کی کارروائیاں نسل کشی کے زمرے میں آتی ہیں اور رپورٹ میں خاص طور پر اسرائیلی حملوں میں بچوں کو دانستہ طور پر نشانہ بنانے کی تصدیق بھی تھی۔
ارکان پارلیمان نے کھلے خط میں نو منتخب وزیراعظم سے مطالبہ کیا کہ وہ بین الاقوامی عدالتِ انصاف کی جولائی 2024 کی مشاورتی رائے پر بھی عمل درآمد کو یقینی بنانے کے لیے عملی اقدامات کریں۔
برطانوی ارکانِ پارلیمنٹ کے بقول عالمی عدالت نے اسرائیل پر زور دیا تھا کہ وہ فوری طور پر مقبوضہ فلسطینی علاقوں سے اپنی موجودگی ختم کرے، تمام اسرائیلی بستیاں ختم کرے، متاثرہ فلسطینیوں کو معاوضہ ادا کرے اور بے گھر ہونے والے فلسطینیوں کی واپسی میں تعاون کرے۔
عدالت نے اپنی رائے میں یہ بھی کہا تھا کہ دنیا کے تمام ممالک پر ذمہ داری عائد ہوتی ہے کہ وہ ایسے اقدامات سے گریز کریں جو اسرائیلی قبضے کو برقرار رکھنے یا اس میں معاونت کا سبب بنیں۔
خط میں برطانوی حکومت سے مطالبہ کیا گیا ہے کہ اسرائیل پر مکمل اسلحہ پابندی عائد کی جائے، اسرائیلی حکام کے خلاف پابندیاں لگائی جائیں اور ایسی ہر قسم کی تجارت پر پابندی عائد کی جائے جو مقبوضہ فلسطینی علاقوں میں قائم اسرائیلی بستیوں کو فائدہ پہنچاتی ہو۔
ارکانِ پارلیمنٹ کا کہنا ہے کہ برطانیہ کو بین الاقوامی قوانین اور انسانی حقوق سے متعلق اپنی ذمہ داریوں کو پورا کرتے ہوئے واضح اور مؤثر پالیسی اختیار کرنی چاہیے۔
I'm one of 80 MPs & Peers calling on the PM to:
- Recognise the UN’s findings on genocide & implement the ICJ ruling in full
- Impose sanctions including a full arms embargo
- Ban trade that supports Israel’s illegal settlements
End Britain’s complicity in genocide, now. pic.twitter.com/TjtJ0yj2Qq
فلسطین سالیڈیرٹی کمپین کے نائب ڈائریکٹر پیٹر لیری نے ارکانِ پارلیمنٹ کے خط کا خیرمقدم کرتے ہوئے کہا تھا کہ برطانوی حکومت نے طویل عرصے سے نسل کشی کنونشن اور بین الاقوامی عدالتِ انصاف کے مؤقف کو نظر انداز کیا ہے۔
انھوں نے الزام عائد کیا ہے کہ برطانیہ مسلسل ایسی پالیسیاں اپناتا رہا ہے جن سے فلسطینی عوام کے خلاف اسرائیلی کارروائیوں کو عملی یا سفارتی حمایت ملتی رہی۔
خیال رہے کہ اسرائیل غزہ میں نسل کشی کے الزامات کو مسترد کرتا ہے اور مؤقف اختیار کرتا آیا ہے کہ اس کی فوجی کارروائیاں حماس اور دیگر مسلح گروہوں کے خلاف ہیں جبکہ شہری ہلاکتوں سے بچنے کے لیے اقدامات کیے جاتے ہیں۔
واضح رہے کہ اقوامِ متحدہ اور متعدد بین الاقوامی انسانی حقوق کی تنظیمیں اسرائیلی دعوؤں کو مسترد کرتے ہوئے غزہ میں بڑے پیمانے پر شہریوں، خصوصاً خواتین اور بچوں کے جانی نقصان پر مسلسل تشویش کا اظہار کر رہی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار