پنجاب حکومت صحافیوں سے ہر ممکن تعاون جاری رکھے گی: عظمیٰ بخاری
اشاعت کی تاریخ: 27th, January 2026 GMT
لاہور (نوائے وقت رپورٹ) وزیر اطلاعات و ثقافت پنجاب عظمیٰ بخاری نے لاہور پریس کلب کے نومنتخب عہدیداروں کو شاندار کامیابی پر دلی مبارکباد پیش کی ہے۔ انہوں نے نومنتخب صدر ارشد انصاری، سیکرٹری افضال طالب، جرنلسٹ پینل سینئر نائب صدر سلمان قریشی، نائب صدر مدیحہ الماس اور نائب صدر ناصرہ عتیق کو خصوصی طور پر مبارکباد پیش کرتے ہوئے کہا کہ دو خواتین صحافیوں کا بھاری اکثریت سے کامیاب ہونا نہ صرف خوش آئند بلکہ خواتین کی پیشہ ورانہ صلاحیتوں پر اعتماد کا واضح ثبوت ہے۔لاہور پریس کلب ملکی سیاست اور صحافت میں ایک تاریخی اور مؤثر کردار ادا کرتا رہا ہے۔ اسی پلیٹ فارم سے کئی نامور رہنماؤں اور صحافیوں نے اپنے عملی سفر کا آغاز کیا۔ انہوں نے امید ظاہر کی کہ نومنتخب صدر ارشد انصاری اور ان کی پوری ٹیم صحافیوں کے مسائل کے حل، فلاح و بہبود اور آزادی صحافت کے فروغ کے لیے بھرپور اور فعال کردار ادا کرے گی۔ عظمٰی بخاری نے کہا کہ پنجاب حکومت صحافی برادری کے ساتھ ہر ممکن تعاون جاری رکھے گی۔
.
ذریعہ
ذریعہ: Nawaiwaqt
پڑھیں:
جعلی دستاویزات پر بیرون ملک جانے کی کوشش ناکام، 2 خواتین آف لوڈ، ایجنٹس گرفتار
فیڈرل انویسٹی گیشن ایجنسی (ایف آئی اے) ملتان زون نے جعلی دستاویزات پر بیرون ملک جانے کی کوشش ناکام بنادی۔
ایف آئی اے ملتان زون کے مطابق 2 خواتین کو آف لوڈ کرکے 2 ایجنٹوں کو گرفتار کرلیا۔ مسافروں نے جعلی نکاح نامے پر سوازی لینڈ کے وزٹ ویزے حاصل کیے تھے۔
ایف آئی اے کے مطابق گرفتار ایجنٹ نے مسافروں کی غیرقانونی امیگریشن کیلیے رشوت دینے کی کوشش بھی کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ