ایس پی سٹی بلال احمد کا بسنت کے حوالے سے اہم پیغام جاری
اشاعت کی تاریخ: 27th, January 2026 GMT
سٹی42: لاہور پولیس کے ایس پی سٹی بلال احمد نے بسنت کے حوالے سے شہریوں کے لیے اہم ہدایات جاری کر دیں۔
انہوں نے واضح کیا ہے کہ حکومت نے بسنت منانے کی اجازت صرف 6 سے 8 فروری تک دی ہے اور اس دوران بھی صرف ایس او پیز کے مطابق پتنگ بازی کی اجازت ہوگی۔ ایس پی سٹی نے شہریوں کو ہدایت کی ہے کہ چھتوں پر ہلڑ بازی، ہوائی فائرنگ اور دیگر غیر قانونی اقدامات کی کسی صورت اجازت نہیں دی جائے گی۔
موٹرسائیکل سوار اور گاڑی چلانے والے ہوجائیں ہوشیار!
ایس پی سٹی بلال احمد نے بتایا کہ بسنت کے دوران چھتوں اور عمارتوں کے مالکان کے شورٹی بانڈ بھی جمع کروائے گئے ہیں، تاکہ قانون کی خلاف ورزی کی صورت میں ذمہ دار افراد کے خلاف کارروائی کی جا سکے۔ انہوں نے مزید کہا کہ کیمیکل ڈور اور تندی دھاتی اقسام کی ڈور کے استعمال کی ہرگز اجازت نہیں ہوگی اور خلاف ورزی کرنے والوں کے خلاف سخت کارروائی کی جائے گی۔
ایس پی سٹی کے مطابق یکم فروری سے پتنگ اور ڈور کی خرید و فروخت صرف متعلقہ رجسٹرڈ سیلرز کر سکیں گے، جبکہ غیر رجسٹرڈ فروخت کرنے والوں کے خلاف قانونی کارروائی عمل میں لائی جائے گی۔ انہوں نے واضح کیا کہ بسنت کی اجازت صرف لاہور تک محدود ہے اور دیگر اضلاع میں بسنت کی اجازت نہیں دی گئی۔
کیا بسنت کے موقع پر لاہور کےتعلیمی اداروں میں 10 چھٹیاں ہوں گی؟
.
ذریعہ
ذریعہ: City 42
کلیدی لفظ: سٹی42 ایس پی سٹی کی اجازت بسنت کے
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار