مدرسہ مظہرالعلوم حمادیہ اتحاد ٹاؤن میں سالانہ تقریب، 162 طلبہ و طالبات کی دستاربندی و ردا پوشی
اشاعت کی تاریخ: 27th, January 2026 GMT
کراچی: مدرسہ مظہرالعلوم حمادیہ اتحاد ٹاؤن، بلدیہ ٹاؤن کراچی میں تکمیلِ قرآنِ کریم اور تقسیمِ انعامات کی سالانہ تقریب منعقد ہوئی، جس میں 162 طلبہ و طالبات کی دستاربندی اور ردا پوشی کی گئی۔ تقریب میں علما کرام، معززینِ علاقہ، والدین اور شہریوں کی بڑی تعداد نے شرکت کی۔
تقریب کی صدارت مدرسہ کے مدیرِ اعلیٰ قاری مظہرالدین نے کی، جبکہ ناظمِ تعلیمات مولانا فخرالدین رازی نے ادارے کی تعلیمی و دینی خدمات پر روشنی ڈالی اور مہمانوں کا شکریہ ادا کیا۔
تقریب میں مفتی سعید احمد، مولانا محمد عاصم رحمانی، مولانا نورالحق، مولانا عبدالقادر کھوسو، مفتی امتیاز احمد عباسی، مولانا وسیم خلیلی، مولانا عمر صادق، مولانا شیخ نوید، پرویز احمد دودا، چیئرمین یوسی عارف تنولی سمیت متعدد علما، سیاسی و سماجی شخصیات شریک ہوئیں۔
تقریب کے دوران طلبہ و طالبات نے تلاوتِ قرآنِ کریم، حمد و نعت، اصلاحی پروگرام اور مختلف خاکے پیش کیے، جنہیں حاضرین نے خوب سراہا۔ معروف نعت خواہوں نے بارگاہِ رسالت ﷺ میں عقیدت کے نذرانے پیش کیے۔
نمایاں کارکردگی دکھانے والے اساتذہ اور امتحانات میں نمایاں پوزیشن حاصل کرنے والے طلبہ و طالبات میں اسناد، شیلڈز اور انعامات تقسیم کیے گئے۔
مقررین نے اپنے خطابات میں کہا کہ مدرسہ مظہرالعلوم حمادیہ جیسے دینی ادارے معاشرے کی اصلاح اور نئی نسل کی درست رہنمائی میں اہم کردار ادا کر رہے ہیں۔ ایک ہی سال میں 162 طلبہ و طالبات کی تکمیلِ قرآن ایک قابلِ فخر کامیابی ہے۔
تقریب کے اختتام پر ملک و قوم کی سلامتی، ترقی اور خوشحالی کے لیے خصوصی دعائیں کی گئیں۔
.
ذریعہ
ذریعہ: Express News
کلیدی لفظ: طلبہ و طالبات
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے