شوہر نے ساتھ دیا ہوتا تو مالی ضرورت کے لیے سی گریڈ فلمیں نا کرنی پڑتیں، ارچنا پورن سنگھ کا اعتراف
اشاعت کی تاریخ: 27th, January 2026 GMT
بالی ووڈ کے مشہور جوڑے ارچنا پورن سنگھ اور پرمیت سیٹھی نے اپنی شادی کے ابتدائی مشکل دور کے بارے میں بات کی ہے۔
ارچنا پورن سنگھ نے یوٹیوب وی لاگ میں انکشاف کیا کہ شادی کے ابتدائی سالوں میں وہ گھر کی بنیادی کمائی کرنے والی تھیں۔ انہوں نے کہا کہ بظاہر وہ خود اعتماد تھیں لیکن اندرونی طور پر انہیں ایک الجھن کا سامنا تھا جہاں وہ چاہتی تھیں کہ ان پر کسی کا سہارا ہو جیسے ان کی ماں اپنے والد پر انحصار کرتی تھیں۔
یہ بھی پڑھیں: دھرمیندر کی مسکراہٹ اور شفقت کبھی نہیں بھول سکوں گی، ارچنا پورن سنگھ
انہوں نے مزید بتایا کہ اس وقت انہوں نے فلمی کیریئر میں ایسے پراجیکٹس بھی کیے جن پر وہ فخر نہیں کرتیں بلکہ وہ صرف مالی ضروریات کی وجہ سے کام کے لیے کبھی ناں نہیں کی جس کا نتیجہ یہ ہوا کہ میں نے سی گریڈ فلمیں کیں۔ میرا مقصد صرف گھر کے لیے روٹی اور گھی کمانا تھا۔
انہوں نے اعتراف کیا کہ وقت کے ساتھ ان کے دل میں کچھ رنجش بھی پیدا ہوئی اور انہیں یہ محسوس ہوا کہ اگر پرمیت نے قدم بڑھایا ہوتا تو انہیں یہ فلمیں نہیں کرنی پڑتیں۔
دوسری جانب پرمیت سیٹھی نے وضاحت کی کہ وہ ایسے کام کرنے میں ہچکچاتے تھے جو ان کے طویل مدتی کیریئر کے اہداف سے میل نہ کھاتے ہوں۔ انہوں نے کہا کہ وہ ارچنا سے 7 سال چھوٹے تھے اور اس وقت ہیرو بننے کی کوشش میں تھے۔ ’میرا کیریئر بن رہا تھا اور ایک غلط قدم سے میں انڈسٹری سے باہر ہو سکتا تھا‘۔
یہ بھی پڑھیں: ’مجھے خوشی ہے کہ میں نے فلم انڈسٹری سے زیادہ کپل شرما شو کو وقت دیا‘، ارچنا سنگھ نے ایسا کیوں کہا؟
ارچنا نے کہا کہ وہ بھی بطور ہیروئن کامیاب ہونا چاہتی تھیں جس پر پرمیت نے جواب دیا ’لیکن تم مجھ سے سات سال بڑی تھیں اور اپنے کیریئر میں مجھ سے آگے تھیں‘۔
تناؤ اور مختلف نقطہ نظر کے باوجود یہ جوڑا اپنی زندگی کے ابتدائی سالوں کو ساتھ گزارنے میں کامیاب رہا۔ ارچنا اور پارمیٹ نے 1992 میں شادی کی اور اب دو بیٹوں آرایامن سیٹھی اور آیوشمان سیٹھی کے والدین ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارچنا سنگھ ارچنا سنگھ شوہر بالی ووڈ.
ذریعہ
ذریعہ: WE News
کلیدی لفظ: ارچنا سنگھ ارچنا سنگھ شوہر بالی ووڈ
پڑھیں:
فرانس: نفسیاتی مریضوں کے علاج کی ذمہ داری گدھوں کے سپرد
فرانس میں قائم ایک نفسیاتی اسپتال نے ذہنی صحت کے علاج کے لیے ایک غیرمعمولی طریقہ اختیار کیا ہے، جہاں مریضوں کے ڈپریشن، اضطراب اور ذہنی دباؤ کو کم کرنے کے لیے گدھوں کی مدد لی جا رہی ہے۔
امریکی خبر رساں ادارے ایسوسی ایٹڈ پریس کے مطابق یہ منصوبہ فرانس میں اپنی نوعیت کا واحد تجربہ سمجھا جاتا ہے۔ دارالحکومت پیرس کے مضافات میں سرسبز و شاداب ماحول اور تاریخی عمارتوں سے گھرا ویل ایورارڈ اسپتال مریضوں کو روایتی طبی علاج کے ساتھ ایک منفرد اور پُرسکون تجربہ بھی فراہم کر رہا ہے۔
اس پروگرام کے تحت مریض گدھوں کے ساتھ وقت گزارتے ہیں، انہیں سیر کرواتے ہیں، ان کی دیکھ بھال کرتے ہیں اور جذباتی تعلق قائم کرتے ہیں۔ حالیہ سیشن کے دوران بھی متعدد مریضوں نے گدھوں کے ساتھ خوشگوار وقت گزارا اور رخصت ہوتے ہوئے انہیں گلے لگا کر محبت کا اظہار کیا۔
60 سالہ مریضہ نیتھلی کے مطابق گدھوں کے ساتھ وقت گزارنے سے انہیں ویسا ہی سکون ملتا ہے جیسا کسی پُرسکون دوا کے استعمال سے حاصل ہوتا ہے۔ ان کا کہنا تھا کہ جانوروں کے ذریعے ہونے والا یہ علاج ذہنی آسودگی فراہم کرتا ہے اور وقتی طور پر تمام پریشانیاں ختم دیتا ہے۔
فرانس کے سرکاری نظامِ صحت کے تحت یہ سیشنز مریضوں کو بغیر کسی معاوضے کے فراہم کیے جاتے ہیں۔ عموماً ہر مریض کو ایک مخصوص گدھے کے ساتھ منسلک کیا جاتا ہے تاکہ وقت کے ساتھ دونوں ایک دوسرے کی عادات اور مزاج سے واقف ہو سکیں۔
اس یونٹ میں خدمات انجام دینے والی نرس آڈرے سیفار کے مطابق نیتھلی کی حالت میں چند ملاقاتوں کے بعد ہی نمایاں بہتری دیکھی گئی۔
انہوں نے بتایا کہ ابتدا میں وہ جسمانی معذوری کے باعث وہیل چیئر سے نکلنے پر آمادہ نہیں تھیں، لیکن گدھے کے ساتھ تعلق نے ان میں اعتماد پیدا کیا اور اب وہ نہ صرف چیئر سے اٹھتی ہیں بلکہ اپنے جانور کے ساتھ کھڑی بھی ہوتی ہیں۔
دوسری جانب 52 سالہ مریض جیروم کا کہنا ہے کہ اس منفرد پروگرام نے ان کے احساسِ تنہائی کو کم کرنے میں اہم کردار ادا کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ