’کے ایس ریلیف‘ کی غزہ میں امدادی سرگرمیاں جاری، طلبہ میں گرم ملبوسات تقسیم
اشاعت کی تاریخ: 27th, January 2026 GMT
سعودی عرب کی امدادی ایجنسی کنگ سلمان ہیومینیٹیرین ایڈ اینڈ ریلیف سینٹر (کے ایس ریلیف) نے حال ہی میں فلسطینی عوام کی مدد کے لیے جاری اپنی مہم کے تحت جنوبی غزہ کے شہر خان یونس میں تعلیمی مراکز پر زیرِ تعلیم طلبہ میں موسمِ سرما کے ملبوسات تقسیم کیے۔
مزید پڑھیں: سعودی قیادت کی ہدایت: غزہ کے عوام کے لیے ہوائی، بحری اور زمینی امدادی کارروائیاں تیز
یہ اقدام ان طلبہ کی بڑھتی ہوئی ضروریات کو مدنظر رکھتے ہوئے کیا گیا ہے جو مشکل حالات کے باوجود اپنی تعلیم جاری رکھے ہوئے ہیں، جہاں بیشتر اسکولوں اور تعلیمی اداروں کی تباہی کے بعد کلاسز خیموں میں منعقد کی جا رہی ہیں۔
دوسری جانب کے ایس ریلیف کے زیرِ انتظام 80واں سعودی امدادی طیارہ وزارتِ دفاع اور قاہرہ میں سعودی سفارت خانے کے تعاون سے مصر کے العریش انٹرنیشنل ایئرپورٹ پہنچ گیا ہے۔
یہ طیارہ غذائی اشیا پر مشتمل فوڈ باسکٹس اور شیلٹر کٹس لے کر آیا ہے جو غزہ کی پٹی میں متاثرہ فلسطینیوں میں تقسیم کی جائیں گی۔
یہ سامان غزہ میں مشکل حالاتِ زندگی کو کم کرنے کے لیے سعودی عرب کی جانب سے فراہم کی جانے والی امداد کا حصہ ہے۔
کے ایس ریلیف نے 2015 میں اپنے قیام کے بعد سے فلسطین میں 147 منصوبے مکمل کیے ہیں جن کی مجموعی مالیت قریباً 533 ملین ڈالر ہے۔
مزید پڑھیں: غزہ میں انسانی بحران سنگین، اسرائیل فوری طور پر امدادی رکاوٹیں ختم کرے: پاکستان سمیت 8 ممالک کا مشترکہ اعلامیہ
یہ منصوبے غذائی تحفظ، ابتدائی بحالی، پانی، صفائی اور حفظانِ صحت، صحت، کیمپ کوآرڈینیشن، تعلیم، تحفظ، ہنگامی امداد اور غذائیت جیسے شعبوں پر مشتمل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امدادی اشیا تقسیم امدادی سرگرمیاں طلبا و طالبات غزہ کے ایس ریلیف وی نیوز.
ذریعہ
ذریعہ: WE News
کلیدی لفظ: امدادی اشیا تقسیم امدادی سرگرمیاں طلبا و طالبات کے ایس ریلیف وی نیوز کے ایس ریلیف کے لیے
پڑھیں:
ٹرمپ کو ریلیف مل گیا؛ امریکی سینیٹ نے ایران جنگ ختم کرنے کی قرارداد مسترد کر دی
امریکی سینیٹ نے ایران کے ساتھ جاری فوجی تنازع میں امریکا کی شمولیت ختم کرنے کے لیے پیش کی گئی جنگی اختیارات کی قرارداد مسترد کر دی۔
عالمی خبر رساں ادارے کے مطابق امریکی سینیٹ نے جمعرات کو صدر ڈونلڈ ٹرمپ کو ایران کے خلاف جاری فوجی کارروائیوں سے امریکی افواج واپس بلانے کی ہدایت دینے والی قرارداد منظور کرنے سے انکار کر دیا۔
میری لینڈ سے تعلق رکھنے والے ڈیموکریٹ سینیٹر کرس وین ہولن کی پیش کردہ وار پاورز ریزولوشن پر ووٹنگ ہوئی تاہم قرارداد 47 کے مقابلے میں 49 ووٹوں سے مسترد ہوگئی اور مطلوبہ حمایت حاصل نہ کرسکی۔
ریپبلکن سینیٹر سوسن کولنز نے اپنی جماعت کی پالیسی کے برعکس قرارداد کے حق میں ووٹ دیا جبکہ ڈیموکریٹ سینیٹر جان فیٹرمین نے اپنی پارٹی سے اختلاف کرتے ہوئے قرارداد کی مخالفت کی۔
تین سینیٹرز نے رائے شماری میں حصہ نہیں لیا جن میں سینیٹر کیٹی برٹ، مچ میک کونل، لیزا مرکووسکی اور رینڈ پال شامل ہیں۔
اس قرارداد میں مطالبہ کیا گیا تھا کہ اگر کانگریس باقاعدہ جنگ کا اعلان نہ کرے یا صدر کو خصوصی اجازت نہ دے، تو صدر ٹرمپ ایران کے اندر یا ایران کے خلاف جاری فوجی کارروائیوں سے امریکی افواج کو واپس بلائیں۔
ڈیموکریٹ ارکان اور بعض ریپبلکن قانون سازوں کا مؤقف ہے کہ ایران کے خلاف موجودہ فوجی کارروائیوں میں صدر ٹرمپ نے کانگریس کے اس آئینی اختیار کو نظر انداز کیا ہے جس کے تحت صرف کانگریس کو جنگ کا اعلان کرنے کا اختیار حاصل ہے۔
اس سے چند گھنٹے قبل امریکی ایوانِ نمائندگان نے ایران جنگ محدود کرنے کی اپنی وار پاورز قرارداد منظور کی تھی تاہم اسے گزشتہ ماہ کے مقابلے میں ایک ووٹ کم ملا جس سے کانگریس میں بھی اس معاملے پر اختلافات نمایاں ہیں۔
گزشتہ ماہ بھی سینیٹ نے اسی نوعیت کی ایک قرارداد 50 کے مقابلے میں 48 ووٹوں سے منظور کی تھی۔ اس وقت چند ریپبلکن ارکان نے بھی ڈیموکریٹس کا ساتھ دیا تھا لیکن اس وقت ایران اور امریکا کے درمیان جنگ بندی نافذ تھی اور مزید امریکی جانی نقصان نہیں ہوا تھا۔
آئینی ماہرین کے مطابق 1973 کے وار پاورز ایکٹ کا مقصد صدر کے فوجی اختیارات پر کانگریس کی نگرانی کو یقینی بنانا تھا لیکن اب تک کسی بھی امریکی صدر نے اسے مکمل طور پر پابند قانون کے طور پر تسلیم نہیں کیا۔
مزید یہ کہ اس قانون کی آئینی حیثیت پر کبھی امریکی عدالتوں نے حتمی فیصلہ نہیں دیا اسی لیے اگر قرارداد منظور بھی ہو جاتی تو اس کے نتیجے میں صدر کو فوری طور پر فوج واپس بلانے کا قانونی پابند بنانا مشکل ہوتا۔
بھارت سے جنگ اور افغانستان میں کارروائی خارج ازامکان نہیں، وزیردفاع