آن لائن کپڑوں کی جگہ آٹے کی بوری، حیران و پریشان شہری عدالت پہنچ گیا
اشاعت کی تاریخ: 28th, January 2026 GMT
کراچی میں ایک شہری نے معروف برانڈ سے آن لائن کپڑے خریدے، لیکن حیرت انگیز طور پر اسے کپڑوں کے بجائے آٹے کی بوری موصول ہوئی۔ صارف نے برانڈ اور کوریئر کمپنی کے خلاف کنزیومر کورٹ میں شکایت درج کرائی اور عدالت نے فریقین کو جواب جمع کرانے کا نوٹس جاری کر دیا ہے۔
کراچی کے رہائشی شہری نے یکم دسمبر کو معروف برانڈ کی ویب سائٹ سے کپڑوں کا آرڈر دیا، جس کی مالیت 5 ہزار روپے سے زائد تھی۔ 4 دسمبر کو نجی کوریئر کمپنی نے آرڈر ڈیلیور کیا، لیکن جب پارسل کھولا گیا تو کپڑوں کی بجائے ایک آٹے کی بوری نکلی۔
شہری نے برانڈ کی کسٹمر سپورٹ اور ای میل کے ذریعے رابطے کی کوشش کی، لیکن کوئی جواب موصول نہیں ہوا۔
بعد ازاں شہری نے عدالت سے رجوع کیا اور رقم کے ساتھ ساتھ 2 لاکھ روپے ہرجانے کی درخواست بھی دائر کی۔ وکیل نے بتایا کہ قانونی نوٹس کے بعد برانڈ نے رقم واپس کرنے کی یقین دہانی کرائی، لیکن بعد میں رقم کی بجائے واؤچر دینے کی پیشکش کی، جس پر شہری نے عدم اطمینان ظاہر کیا۔
عدالت نے فریقین کو 31 جنوری تک جواب جمع کرانے کا حکم دیا ہے اور کیس کی سماعت جلد متوقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار