کراچی: پاک کالونی میں ڈاکوؤں نے گھر سے 50 تولہ سونا اور لاکھوں روپے نقدی لوٹ لی
اشاعت کی تاریخ: 28th, January 2026 GMT
کراچی:
پاک کالونی میں گھر میں ڈکیتی کی واردات کے دوران ڈاکو 50 تولہ سے زائد سونا، 10 لاکھ روپے نقدی، قیمتی گھڑیاں اور سامان لے اڑے۔
تفصیلات کے مطابق بدھ کی صبح پاک کالونی تھانے کے علاقے پاک ماڈرن کالونی بڑا بورڈ کے قریب گھر میں مبینہ ڈکیتی کی واردات کے دوران ڈاکوؤں نے اہلخانہ کو یرغمال بنانے کے بعد مبینہ طور پر گھرسے 50 تولہ سے زائد سونا، 10 لاکھ روپے نقدی، قیمتی گھڑیاں اور قیمتی سامان لوٹ لیا۔
واردات کی اطلاع ملنے پر پولیس موقع پر پہنچ گئی اور پولیس نے فوری کرائم سین یونٹ کو بھی موقع پر طلب کرلیا، ایس ایچ او پاک کالونی وقار اعوان کا کہنا ہے کہ مدد گار 15 پولیس کو40 تولہ سونا اور 9 لاکھ روپے لوٹنے کی اطلاع ملی تھی۔
ابتدائی تفتیش میں کچھ شواہد مشکوک پائے گئے ہیں، گھر کی دیوار کود کر اندرآنے کے شواہد نہیں مل سکے، گھر کے مرکزی گیٹ اوراندر گرل پر بھی تالا نہیں لگا تھا، گھر والوں کا کہنا ہے کہ وہ گیٹ اور گرل پرتالا لگانا بھول گئے تھے۔
ممکنہ طور پر گھر کے دروازے سے ڈاکو اندر آئے ڈاکوؤں کی تعداد 3 سے 5 کے درمیان تھی، ڈاکوؤں نے کمرے میں رکھے زیورات، نقدی او دیگر سامان لوٹا اور 15 منٹ کے اندر واردات انجام دینے کے بعد موقع پر سے فرارہوگئے۔
ایس ایچ او کا کہنا ہے کہ زیوارت 3 ڈبوں میں تھے، اتنے زیوارت 3 ڈبوں میں کیسے آسکتے ہیں؟ جس وقت ڈاکوؤں نے واردات انجام دی اس وقت گھر میں گھر کے سربراہ ان کی اہلیہ اوربیٹا بیٹی موجود تھے، متاثرہ خاندان کے سربراہ کا ماضی میں کارخانہ تھا جو بند ہوچکا۔
گھر کی بہو نائٹ شفٹ میں اسپتال میں جبکہ بیٹا بیٹی گارمنٹس فیکٹری میں جاب کرتے ہیں، متاثرہ خاندان کے مطابق ڈاکوؤں نے کمرے میں تمام افراد کو بند کرکے واردات کی، انہوں نے بتایا کہ گھر میں سی سی ٹی وی کیمرے موجود نہیں۔
پولیس گھر کے اطراف میں لگے سی سی ٹی وی کیمروں کی فوٹیج حاصل کرنے کی کوشش کر رہی ہے جبکہ جیو فینسگ بھی کرائی جا رہی ہے، ایس ایچ او کا کہنا ہے کہ پولیس نے شواہد کی روشنی میں تحقیقات شروع کردی ہیں۔
.
ذریعہ
ذریعہ: Express News
کلیدی لفظ: کا کہنا ہے کہ پاک کالونی ڈاکوو ں نے گھر میں گھر کے
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع