کراچی: موٹرسائیکل سوار ملزمان نے پیٹرول پمپ کے کیشئیر سے 33 لاکھ روپے لوٹ لیے
اشاعت کی تاریخ: 28th, January 2026 GMT
کراچی کے علاقے کورنگی سنگر چورنگی کے قریب موٹرسائیکل سوار تین ملزمان نے پیٹرول پمپ کے کیشئیر سے 33 لاکھ روپے لوٹ کر فرار ہونے کی واردات کی، جس کے بعد عوامی کالونی پولیس نے مقدمہ درج کر کے تفتیش شروع کر دی ہے۔
رپورٹس کے مطابق واردات عوامی کالونی تھانے کی حدود، سنگر چورنگی سیکٹر 27، کورنگی انڈسٹریل ایریا میں بالمقابل پی ایس او پیٹرول پمپ کے قریب پیش آئی۔ دو موٹرسائیکلوں پر سوار تین ڈاکو پیٹرول پمپ کے کیشئیر سے رقم چھین کر فرار ہو گئے۔
پیٹرول پمپ کے کیشئیر محمد عارف نے پولیس کو بتایا کہ وہ لانڈھی کا رہائشی ہے اور وار وینس سروس اسٹیشن، پی ایس او پیٹرول پمپ، سنگر چورنگی میں اکاؤنٹنٹ کے طور پر کام کرتا ہے۔ انہوں نے کہا کہ 27 جنوری 2026 کو تقریباً 11:05 بجے وہ موٹرسائیکل پر امام بخش کے ہمراہ رقم جمع کروانے جا رہے تھے، کہ اچانک دو موٹرسائیکلوں پر سوار تین افراد نے انہیں روکا، اسلحہ تان دیا اور پلاسٹک شاپر میں موجود 33 لاکھ روپے چھین لیے۔
کیشئیر کے مطابق ملزمان جواں عمر اور غیر مقامی لگ رہے تھے، اور وہ انہیں پہچان سکتے ہیں۔ رقم چھیننے کے بعد ملزمان فرار ہو گئے۔
واردات کی اطلاع فوری طور پر مددگار 15 ہیلپ لائن کو بھی دی گئی۔ پیٹرول پمپ کے مالکان کے کہنے پر کیشئیر محمد عارف تھانے پہنچ کر رپورٹ درج کرانے گئے۔
پولیس نے مقدمہ نمبر 54/26 دفعہ 397/34 کے تحت 27 جنوری 2026 کو تقریباً 1:15 بجے درج کر لیا اور تفتیش سی آئی سی کورنگی ڈویژن کراچی کے سپرد کر دی گئی ہے۔
ذریعہ
ذریعہ: Daily Mumtaz
کلیدی لفظ: پیٹرول پمپ کے کیشئیر
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا