پہلے ٹی ٹوئنٹی میچ میں آسٹریلوی قیادت ٹریوس ہیڈ کو دینے کا امکان
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان اور آسٹریلیا کے درمیان تین میچوں پر مشتمل ٹی ٹوئنٹی سیریز کا آغاز کل سے ہوگا، جس کے لیے دونوں ٹیمیں آخری تیاریوں میں مصروف ہیں، سیریز کے پہلے میچ کے لیے آسٹریلوی ٹیم میں ممکنہ تبدیلیوں نے شائقین اور کرکٹ تجزیہ کاروں کی توجہ مرکوز کر دی ہے۔
ذرائع کے مطابق آسٹریلوی کپتان میچل مارش کو پہلے میچ میں آرام دینے پر غور کیا جا رہا ہے، جبکہ وکٹ کیپر بیٹر جوش انگلس بھی ابتدائی میچ میں آرام کر سکتے ہیں۔ یہ فیصلہ بگ بیش لیگ (بی بی ایل) کے فائنل میچ میں شرکت کے بعد کھلاڑیوں کے کام کے بوجھ کو مدنظر رکھتے ہوئے کیا جا رہا ہے۔
اگر میچل مارش پہلے میچ میں شریک نہیں ہوتے، تو آسٹریلوی ٹیم کی قیادت ٹریوس ہیڈ کے سپرد ہونے کا امکان ہے۔ ٹیم آج لاہور پہنچ رہی ہے، جہاں سیریز کے آغاز سے قبل آخری تربیتی سیشنز اور پریکٹس میچز کے ذریعے کھلاڑی اپنی فارم کو برقرار رکھنے کی کوششیں کر رہے ہیں۔
ٹی ٹوئنٹی سیریز کے شیڈول کے مطابق پہلا میچ کل کھیلا جائے گا، دوسرا میچ 29 جنوری کو اور تیسرا اور آخری میچ یکم فروری کو ہوگا۔ شائقین کی نظریں اس بات پر بھی مرکوز ہیں کہ آسٹریلوی پلیئنگ الیون میں کون سے کھلاڑی ابتدائی میچ میں حصہ لیں گے اور پاکستان کی جانب سے کون سے کھلاڑی فائنل الیون میں شامل ہوں گے۔
پاکستان اور آسٹریلیا کے درمیان یہ سیریز دونوں ٹیموں کے لیے اہم ہے، کیونکہ اس سے نہ صرف کھلاڑیوں کی فارم کی جانچ ہوگی بلکہ ٹی ٹوئنٹی ورلڈ کپ کی تیاریوں میں بھی مدد ملے گی۔ شائقین توقع کر رہے ہیں کہ سیریز میں سنسنی خیز مقابلے دیکھنے کو ملیں گے اور دونوں ٹیمیں فتح کے لیے بھرپور محنت کریں گی۔
ذریعہ
ذریعہ: Jasarat News
کلیدی لفظ: ٹی ٹوئنٹی میچ میں کے لیے
پڑھیں:
لاہور میں آج موسم ابرآلود، بارش کا کتنا امکان؟
لاہور میں آج زیادہ تر موسم ابر آلود رہنے اور ہلکی بارش کا امکان ہے جبکہ سورج اور بادلوں کے درمیان آنکھ مچولی کا سلسلہ بھی جاری رہے گا۔
مون سون سسٹم کے تحت آج صبح لاہور میں سب سے زیادہ بارش فرخ آباد میں 40 اور گلشن راوی میں 34 ملی میٹر ریکارڈ کی گئی جبکہ سگیاں پل پر 34 اور سمن آباد میں 14 ملی میٹر بارش ریکارڈ کی گئی۔
اسی طرح شہر کے مختلف علاقوں میں کہیں ہلکی اور کہیں تیز بارش ہوئی۔ گزشتہ دو سے تین روز کے دوران بارش کے باعث درجہ حرارت میں کمی آگئی اور موسم خوش گوار ہوگیا۔
محکمہ موسمیات کے مطابق لاہور میں کم سے کم درجہ حرارت 27 جبکہ زیادہ سے زیادہ 31 ڈگری تک جانے کا امکان ہے، مون سون کی بارشوں کا یہ سلسلہ 26 جولائی تک جاری رہے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع