طلباء انسانیت کی خدمت کو اپنا نصب العین بنائیں، گورنر پنجاب
اشاعت کی تاریخ: 28th, January 2026 GMT
سرگودھا:(نیوزڈیسک) پنجاب کے گورنر سردار سلیم حیدر خان نے یونیورسٹی آف سرگودھا کے بارہویں کنونشن سے خطاب کرتے ہوئے طلبا کو زندگی میں چیلنجز کا حوصلے اور عزم کے ساتھ مقابلہ کرنے کی اہمیت سے آگاہ کیا۔گورنر نے کہا کہ حقیقی کامیابی صرف ذاتی حصول تک محدود نہیں بلکہ انسانیت کی خدمت میں اپنے کردار کو نمایاں کرنا بھی ضروری ہے۔
انہوں نے طلبا سے کہا کہ اپنی امنگوں کو معاشرتی بھلائی اور انسانیت کی خدمت کے لیے استعمال کریں تاکہ زندگی کا اصل مقصد حاصل ہو۔انہوں نے مزید کہا کہ سیکھنے کا عمل زندگی بھر جاری رہنا چاہئے اور اعلیٰ اخلاقی اقدار اپنانے کے ساتھ سماجی ذمہ داریوں کی پاسداری سے بہترین معاشرہ تشکیل پایا جا سکتا ہے۔
آخر میں گورنر نے کامیاب طلبا کو مبارک باد دی اور امید ظاہر کی کہ وہ عملی زندگی میں اپنی ڈگری کے وقار کو برقرار رکھتے ہوئے قومی ترقی اور خوشحالی میں موثر کردار ادا کریں گے۔
.
ذریعہ
ذریعہ: Daily Mumtaz
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار