ماتلی،لائوڈاسپیکر کاغلط استعمال،شہریوں کی زندگی اجیرن ہوگئی
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
ماتلی (نمائندہ جسارت) ماتلی سمیت ضلع بدین کے تمام چھوٹے بڑے شہروں میں لاؤڈ اسپیکر کے غلط استعمال نے شہریوں کا جینا محال کر دیا، پیشہ ور بھکاریوں، رکشہ ڈرائیوروں اور ریڑھی بانوں کی فوج ظفر موج نے قانون کی دھجیاں اڑا دیں۔ تفصیلات کے مطابق ماتلی، تلھار، ٹنڈو غلام علی اور دیگر علاقوں میں لاؤڈ اسپیکر کا غیر قانونی استعمال عروج پر پہنچ گیا ہے جہاں پیشہ ور بھکاریوں نے وہیل چیئرز پر لاؤڈ اسپیکر نصب کر کے گھنٹوں ریکارڈ شدہ صدائیں چلا کر بازاروں اور گلیوں کو یرغمال بنا لیا ہے، ان بھکاریوں نے باقاعدہ تنخواہ دار ملازم رکھے ہوئے ہیں جو انہیں گھماتے ہیں جبکہ رکشہ اور ریڑھی والے اسے اپنے کاروبار کا لازمی حصہ سمجھ کر فل والیم میں ڈیک بجاتے ہیں جس سے نہ صرف بیماروں اور بوڑھوں کا آرام خراب ہوتا ہے بلکہ طلبا کی تعلیمی سرگرمیاں بھی بری طرح متاثر ہو رہی ہیں۔ عوامی حلقوں کا کہنا ہے کہ سندھ ساؤنڈ سسٹم ریگولیشن ایکٹ 2015 ء کے تحت اذان اور جمعہ کے خطبے کے علاوہ اسپیکر کا ہر قسم کا ایسا استعمال جرم ہے جس کی سزا 6 ماہ قید اور 50 ہزار روپے جرمانہ ہے لیکن بدین ضلع کے 14 تھانوں کی پولیس ان پیشہ ور بھکاریوں اور شور مچانے والے عناصر کے خلاف کارروائی کرنے کے بجائے خاموش تماشائی بنی ہوئی ہے۔ شہریوں نے ڈی آئی جی حیدرآباد اور ایس ایس پی بدین سے مطالبہ کیا ہے کہ ان پیشہ ور گروہوں کے خلاف فوری کریک ڈاؤن کر کے عوام کو اس ذہنی اذیت سے نجات دلائی جائے۔
ذریعہ
ذریعہ: Jasarat News
کلیدی لفظ: پیشہ ور
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ