عمران ہاشمی کا ’بولڈ امیج‘ کیریئر کی راہ میں رکاوٹ کیسے بنا، جانیے بالی ووڈ اداکار کا اعتراف
اشاعت کی تاریخ: 28th, January 2026 GMT
بالی ووڈ اداکار عمران ہاشمی نے اپنے مشہور مگر متنازع بولڈ امیج پر کھل کر بات کرتے ہوئے کہا ہے کہ یہ شناخت ایک وقت میں ان کی کامیابی کا باعث بنی مگر بعد میں یہی امیج فلمی کیریئر کی راہ میں رکاوٹ بھی بن گیا۔
یہ بھی پڑھیں: ’جنت‘ فلم کے سین کا عمران ہاشمی کی حقیقی زندگی سے کیا تعلق ہے؟ بالی ووڈ اداکار کا انکشاف
عمران ہاشمی نے ایک انٹرویو میں بتایا کہ ان کا مشہور ’سیریل کِسر‘ والا ٹیگ اتفاقیہ نہیں تھا بلکہ اس دور میں جان بوجھ کر اسے ابھارا گیا۔ انہوں نے کہا کہ وہ فلمیں کمرشل طور پر کامیاب تھیں اور میں خود بھی اس امیج کو انجوائے کر رہا تھا۔ ہماری مارکیٹنگ اسی امیج کے گرد گھومتی تھی اور میڈیا بھی اس میں شامل تھا۔
اداکار کا کہنا تھا کہ ایک جیسے کردار ادا کرتے کرتے انہیں احساس ہوا کہ خود کو بدلنا ضروری ہے۔
انہوں نے کہا کہ تقریباً 10 سال بعد مجھے سمجھ آیا کہ ناظرین بدل جاتے ہیں۔ انہوں نے مزید کہا کہ ہر 10 سے 14 سال میں نئی نسل سینما گھروں کا رخ کرتی ہے اور اس نئی آڈینس کے لیے خود کو نئے انداز میں پیش کرنا بہت ضروری ہوتا ہے۔
عمران ہاشمی نے کہا کہ ہر امیج کی ایک حد ہوتی ہے۔ انہوں نے مزید کہا کہ آپ کسی چیز کو ایک حد تک ہی نچوڑ سکتے ہیں، اور میں نے اسے مکمل طور پر استعمال کر لیا تھا اس لیے تبدیلی ناگزیر تھی۔
مزید پڑھیے: عمران ہاشمی کی پاکستان آمد پر حمائمہ ملک کیا کریں گی؟
تاہم اداکار نے اعتراف کیا کہ پرانا ٹیگ چھوڑنے کے باوجود وہ اب بھی ان کے ساتھ جڑا ہوا ہے۔ ان کے مطابق کسی ایک مخصوص کردار یا امیج سے نکلنا آسان نہیں ہوتا۔
ٹائپ کاسٹنگ (ایک ہی طرح کا کردار) سے نجات کے حوالے سے بات کرتے ہوئے عمران ہاشمی نے کہا کہ اس کے لیے رسک لینا اور ورسٹائل ہونا ضروری ہے۔ انہوں نے زور دیا کہ اداکار کو چاہیے کہ وہ مختلف اور چیلنجنگ کرداروں کا انتخاب کرے تاکہ اپنی صلاحیتوں کو ثابت کر سکے۔
مزید پڑھیں: جاوید شیخ کے الزامات پر عمران ہاشمی بول پڑے
آخر میں عمران ہاشمی جو جلد فلم ’آوارہ پن 2‘ میں نظر آئیں گے نے کہا کہ آپ کو آگے بڑھ کر جرات مندانہ فیصلے کرنے ہوتے ہیں اور ایسے کام کرنے ہوتے ہیں جو آپ کی ورسٹیلٹی کو ثابت کریں اور یہی واحد راستہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ اداکار عمران ہاشمی سیریل کسر عمران ہاشمی عمران ہاشمی پر چھاپ عمران ہاشمی کے بولڈ کردار.
ذریعہ
ذریعہ: WE News
کلیدی لفظ: بالی ووڈ اداکار عمران ہاشمی سیریل کسر عمران ہاشمی عمران ہاشمی کے بولڈ کردار بالی ووڈ اداکار عمران ہاشمی نے نے کہا کہ انہوں نے
پڑھیں:
ٹک ٹاکر حکیم بابر کیس میں ملزمان کا موقف بھی سامنے آگیا
سیالکوٹ(نیوز ڈیسک) ٹک ٹاکر حکیم بابر سے متعلق مبینہ زہر خوری کیس میں نامزد ملزم صفدر کے بھائی ملک سلیم کھوکھر کا ویڈیو بیان منظر عام پر آگیا جس میں انہوں نے تمام الزامات کو مسترد کر دیا ہے۔
ویڈیو بیان میں ملک سلیم کھوکھر نے دعویٰ کیا کہ محمد افضل عرف حکیم بابر نے سوشل میڈیا پر ویوز حاصل کرنے کیلئے خود کو زہر خورانی کا شکار ظاہر کرنے کا ڈرامہ رچایا، اسپتال کی رپورٹ میں بھی یہ بات سامنے آئی ہے کہ حکیم بابر کو کسی قسم کا زہر نہیں دیا گیا۔
انہوں نے کہا کہ حکیم بابر نشے کے عادی ہیں اور کسی مبینہ اوور ڈوز کے واقعے کو ان کے خاندان پر ڈالنے کی کوشش کی جا رہی ہے، ان کے خاندان کا حکیم بابر کے ساتھ کسی قسم کا کوئی ذاتی تنازع یا دشمنی موجود نہیں۔
ملک سلیم کھوکھر انکشاف کیا کہ حکیم بابر کا اصل نام افضل ہے اور وہ کوئی مستند حکیم نہیں بلکہ تعلیمی طور پر بھی میٹرک پاس نہیں ہیں، جھوٹے مقدمے کی وجہ سے میرا خاندان شدید ذہنی دباؤ اور پریشانی کا شکار ہے۔
انہوں نے مزید کہا کہ رات کے وقت پولیس کی جانب سے دو بار گھر پر چھاپے مارے گئے، کو ہراساں مت کیا جائے۔
انہوں نے ڈی پی او سیالکوٹ اور آئی جی پنجاب سے اپیل کی کہ کیس کی شفاف اور میرٹ پر انکوائری کی جائے اور حقائق کی روشنی میں فیصلہ کیا جائے۔
مزید پڑھیں۔مشرق وسطیٰ کی صورتحال، خام تیل کی قیمتوں میں 2 فیصد اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ