وادی تیراہ میں کوئی آپریشن نہیں ہورہا، گورنر خیبرپختونخوا فیصل کریم کنڈی
اشاعت کی تاریخ: 28th, January 2026 GMT
گورنر خیبر پختونخوا فیصل کریم کنڈی نے کہا ہے کہ خیبرپختونخوا حکومت نے تیراہ کے عوام کو نقل مکانی پر مجبور کیا، وہاں پر کوئی آپریشن نہیں ہو رہا جبکہ وفاقی حکومت کا بھی آپریشن کرنے کا کوئی ارادہ نہیں ہے۔
اپنے ایک بیان میں ان کا کہنا تھا کہ صوبائی حکومت نے آپریشن کا شور مچایا ہوا ہے، تاہم قیدی نمبر 804 اپنے اعمال کی سزا بھگت رہا ہے۔
فیصل کریم کنڈی نے مزید کہاکہ خیبر پختونخوا میں صحت کے شعبے کی بہتری اور تعلیم کے شعبے پر خصوصی توجہ دی جانی چاہیے۔
انہوں نے صوبے میں دہشتگردی کے خاتمے کی ضرورت پر بھی زور دیا۔
اسی حوالے سے وزیراعظم کے کوآرڈی نیٹر اختیار ولی نے کہاکہ نوجوان صوبے کی ترقی کے لیے اپنا کردار ادا کریں۔
انہوں نے کہا کہ ہمیں اپنی سیاسی وابستگی سے بالاتر ہو کر صرف صوبے کے لیے کام کرنا ہوگا۔
اختیار ولی نے کہاکہ خیبر پختونخوا میں ترقی کے پیچھے سابق وزیراعظم محمد نواز شریف کا وژن ہے۔
انہوں نے بتایا کہ صحت کارڈ پروگرام سب سے پہلے محمد نواز شریف نے شروع کیا اور ملک بھر میں سڑکوں کا جال بھی انہی کے دور میں بچھایا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آپریشن فیصل کریم کنڈی گورنر خیبرپختونخوا نقل مکانی وی نیوز.
ذریعہ
ذریعہ: WE News
کلیدی لفظ: فیصل کریم کنڈی گورنر خیبرپختونخوا نقل مکانی وی نیوز فیصل کریم کنڈی
پڑھیں:
فیلڈ مارشل عاصم منیر کا بلوچستان میں پائیدار امن کے عزم کا اعادہ
فیلڈ مارشل سید عاصم منیر نے کہا ہے کہ سکیورٹی فورسز اور قانون نافذ کرنے والے ادارے عوام کی بھرپور حمایت سے بلوچستان میں دیرپا امن کے قیام کے لیے پرعزم ہیں۔ انہوں نے اس عزم کا اظہار کیا کہ دہشت گردی اور اس کے سہولت کاروں کے خلاف کارروائیاں اپنے منطقی انجام تک جاری رہیں گی۔
پاک فوج کے شعبہ تعلقات عامہ (آئی ایس پی آر) کے مطابق 20ویں نیشنل ورکشاپ بلوچستان کے شرکاء نے جنرل ہیڈکوارٹرز (جی ایچ کیو) کا دورہ کیا، جہاں فیلڈ مارشل سید عاصم منیر نے شرکاء سے خطاب کرتے ہوئے قومی اتحاد، استحکام اور ثابت قدمی کی اہمیت پر زور دیا۔
فیلڈ مارشل نے کہا کہ بلوچستان پاکستان کا فخر ہے اور یہ صوبہ قدرتی وسائل سے مالا مال ہے۔ ان کے مطابق بلوچستان کے محب وطن، باصلاحیت، باہمت اور ثابت قدم عوام ہی اس صوبے کا سب سے قیمتی سرمایہ ہیں۔
انہوں نے کہا کہ وفاقی اور صوبائی حکومتوں کی جانب سے بلوچستان میں جاری ترقیاتی منصوبوں کا مقصد صوبے کی سماجی اور معاشی ترقی کو یقینی بنانا، عوام کے معیارِ زندگی کو بہتر بنانا اور خوشحالی کے نئے مواقع پیدا کرنا ہے۔
آئی ایس پی آر کے مطابق فیلڈ مارشل نے کہا کہ سکیورٹی فورسز اور قانون نافذ کرنے والے ادارے عوام کے تعاون سے بلوچستان میں امن و امان کے قیام کے لیے بھرپور کوششیں جاری رکھے ہوئے ہیں اور ان کی یہی مشترکہ کاوشیں صوبے میں پائیدار امن کی بنیاد بنیں گی۔
انہوں نے اس موقع پر کہا کہ فتنہ الخوارج اور فتنہ الہندوستان کے خلاف ٹارگٹڈ آپریشنز پوری قوت کے ساتھ جاری رہیں گے اور یہ کارروائیاں دہشت گردی اور اس کے سہولت کاروں کے مکمل خاتمے تک بلا تعطل جاری رہیں گی۔
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج عوام کے اتحاد، عزم اور ثابت قدمی کی بدولت ہر قسم کے مذموم عزائم کو ناکام بنائیں گی اور ملکی سلامتی، خودمختاری اور استحکام کے تحفظ کے لیے اپنی ذمہ داریاں پوری کرتی رہیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا