کراچی میں ٹرک کے دبانے سے 7 سالہ بچے کی موت
اشاعت کی تاریخ: 28th, January 2026 GMT
کراچی میں مہران ٹاؤن کورنگی کے علاقے میں ایک ٹرک نے 7 سالہ بچے کی جان لے لی۔
یہ بھی پڑھیں : کراچی: کورنگی میں ٹینکر کی ٹکر سے 12 سالہ بچہ جاں بحق، ڈرائیور گرفتار
میڈیا رپورٹس کے مطابق ڈرائیور ٹرک کو ریورس کرنے کے دوران بچے کو روند ڈالا۔
بچہ موقعے پر ہی جاں بحق ہو گیا جبکہ ڈرائیور ٹرک سمیت فرار ہو گیا۔ ابتدائی معلومات کے مطابق ڈرائیور اسی علاقے کا رہائشی ہے اور ٹرک کو پہلے اپنے گھر کے باہر کھڑا کیا تھا اور لاپرواہی سے گاڑی چلانے کے باعث اس نے اپنے ہمسائے کے بیٹے کو ہلاک کر دیا۔
بچے کی لاش جناح پوسٹ گریجویٹ میڈیکل سینٹر منتقل کر دی گئی جہاں قانونی کارروائی کی جائے گی۔
مزید پڑھیے: کراچی: ٹینکر کی موٹرسائیکل کو ٹکر، حاملہ خاتون شوہر سمیت جاں بحق، پیدا ہونے والا نومولود بھی چل بسا
واضح رہے کہ گزشتہ دسمبر میں سندھ حکومت نے کراچی میں 2 ماہ کے لیے دن کے وقت بھاری ٹریفک کی حرکت پر پابندی لگا دی تھی کیونکہ شہر میں ڈمپر ٹرک اور واٹر ٹینکرز سمیت بھاری گاڑیوں سے ہونے والے حادثات میں اضافہ دیکھنے میں آیا تھا۔
مزید پڑھیں: کراچی میں ڈمپر و ٹینکرز جلائے جانے کے واقعات، وزیر داخلہ سندھ کا سخت نوٹس
ماہ رواں کے آغاز میں شہر کے کمشنر نے بھی بھاری ٹرانسپورٹ گاڑیوں کو مخصوص لین میں محدود کرنے اور زیادہ سے زیادہ رفتار کو 30 کلومیٹر فی گھنٹہ رکھنے کی ہدایت کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرک سے بچے کی ہلاکت کراچی کراچی ٹرک حادثہ کراچی مہران ٹاؤن.
ذریعہ
ذریعہ: WE News
کلیدی لفظ: ٹرک سے بچے کی ہلاکت کراچی کراچی ٹرک حادثہ کراچی مہران ٹاؤن کراچی میں بچے کی
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار