وزیراعظم لیپ ٹاپ اسکیم میں سندھ کے طلبہ کا انتظار ختم
اشاعت کی تاریخ: 28th, January 2026 GMT
کراچی:
وزیراعظم لیپ ٹاپ اسکیم سندھ پہنچ گئی ہے اور جمعرات کو کراچی سے جامعات کے طلباء و طالبات میں لیپ ٹاپ کی تقسیم کا آغاز ہونے جارہا ہے۔
ایکسپریس نیوز کے مطابق اعلی تعلیمی کمیشن آف پاکستان کی جانب سے سندھ میں لیپ ٹاپ کی تقسیم کے آغاز کے لیے این ای ڈی یونیورسٹی کا انتخاب کیا گیا ہے جہاں مجموعی طور پر مرحلہ وار 1436 لیپ ٹاپ تقسیم کیے جانے ہیں جس میں انڈر گریجویٹ کے ساتھ ساتھ ماسٹرز اور پی ایچ ڈی طلبہ کو بھی شامل کیا گیا ہے جبکہ آئندہ ماہ سے لیپ ٹاپ کی تقسیم کراچی سمیت سندھ کی دیگر سرکاری جامعات میں بھی شروع ہونے کا امکان ہے۔
جمعرات کو وفاقی وزیر تعلیم ڈاکٹر خالد مقبول صدیقی این ای ڈی میں منعقد ہونے والی لیپ ٹاپ تقسیم کی تقریب میں شریک ہوں گے۔
این ای ڈی یونیورسٹی کے وائس چانسلر پروفیسر ڈاکٹر محمد طفیل کے مطابق "جمعرات کو 32 طلبہ میں لیپ ٹاپ تقسیم کیے جائیں گے ان طلبہ کا تعلق انڈر گریجویٹ پروگرام سے ہے۔
ڈاکٹر محمد طفیل کا کہنا تھا کہ این ای ڈی یونیورسٹی لیپ ٹاپ تقسیم کے حوالے سے فیز 4 میں سندھ کی پہلی یونیورسٹی ہے جہاں لیپ ٹاپ تقسیم کیے جارہے ہیں۔
یاد رہے کہ وزیراعظم لیپ ٹاپ اسکیم 4 کے تحت لیپ ٹاپ کی تقسیم اکتوبر کے آخر سے شروع ہوئی تھی جب وزیر اعظم میاں شہباز شریف نے ایک تقریب میں اسکیم کا افتتاح کیا تھا تاہم اس اسکیم کو کراچی پہنچتے پہنچتے 3 ماہ کا عرصہ لگ گیا جبکہ طلبہ سے اس سلسلے میں درخواستیں 2025ء کے وسط میں طلب کی گئی تھیں۔
اس اسکیم کے تحت طلبہ میں 1 لاکھ لیپ ٹاپ تقسیم کرنے کا دعویٰ کیا گیا ہے اور ایچ ای سی ذرائع کے مطابق سندھ میں 16 ہزار سے زائد لیپ ٹاپ تقسیم ہونے ہیں۔
.
ذریعہ
ذریعہ: Express News
کلیدی لفظ: لیپ ٹاپ تقسیم کی لیپ ٹاپ کی تقسیم
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا