خیبرپختونخوا میں کسی بڑے آپریشن یا گورنر راج سے متعلق فیصلہ نہیں ہوا، وزیر دفاع خواجہ آصف
اشاعت کی تاریخ: 28th, January 2026 GMT
وزیر دفاع خواجہ آصف نے کہا ہے کہ خیبرپختونخوا میں دہشتگردی کے خلاف انٹیلی جنس بیسڈ آپریشن روزانہ کی بنیاد پر ہورہے ہیں، صوبے میں کسی بڑے آپریشن یا گورنر راج سے متعلق کوئی فیصلہ نہیں ہوا۔
نجی ٹی وی سے گفتگو کرتے ہوئے انہوں نے کہاکہ اگر خیبرپختونخوا کے کوئی فنڈز باقی ہیں تو وفاق کو ادا کرنے چاہییں، لیکن صوبائی حکومت پہلے ادا کیے گئے فنڈز کا حساب تو دے۔
مزید پڑھیں: وادی تیراہ میں کوئی آپریشن نہیں ہورہا، گورنر خیبرپختونخوا فیصل کریم کنڈی
انہوں نے کہاکہ خیبرپختونخوا میں دہشتگردی کے خلاف انٹیلی جنس بیسڈ آپریشن مقامی لوگوں کے تعاون سے ہو رہے ہیں، کسی بڑے آپریشن کا کوئی منصوبہ نہیں۔
انہوں نے کہاکہ تیراہ دہشتگردی سے شدید متاثر ہے، وہاں اگر بڑا آپریشن ہوگا تو شہریوں کو بھی نقصان ہو سکتا ہے، ابھی تک علاقے میں کوئی دستہ نہیں بھیجا گیا، جب ضرورت ہو گی تو بھیجیں گے۔
وزیر دفاع نے کہاکہ خیبرپختونخوا میں پاک فوج اور ریاست کے خلاف جذبات ابھارنے کی کوشش ہو رہی ہے، پی ٹی آئی میں مختلف قسم کی آوازیں ہیں، جو باہر بیٹھے ہیں ان کی زبان کچھ اور ہے۔
انہوں نے کہاکہ عمران خان فیملی، اسمبلی ارکان کا مؤقف الگ ہے، جبکہ جو لوگ چھپے ہیں ان کی آواز کچھ اور ہے۔
خواجہ آصف نے کہاکہ اپوزیشن میں پی ٹی آئی اکثریتی پارٹی ہے، یہ اپوزیشن لیڈر اپنا کیوں نہیں لائے؟ محمود اچکزئی کے ساتھ جو تحریک انصاف نے کیا وہ سب جانتے ہیں، اگر میں ان کی جگہ میں ہوتا تو کبھی پی ٹی آئی پر اعتبار نہ کرتا۔
انہوں نے کہاکہ افغانستان سے دہشتگردوں کو سہولت فراہم کی جاتی ہے، جس پر ہمیں تشویش ہے۔ خیبرپختونخوا میں ہمارے فوجی جوانوں کو دہشتگردوں نے بے دردی سے شہید کیا۔
وزیر دفاع نے مزید کہاکہ خیبرپختونخوا حکومت فنڈز کی بات تو کرتی ہے مگر وہاں سڑکیں ٹوٹی ہوئی ہیں، وہاں کے عوام پنجاب میں آتے ہیں تو حیران رہ جاتے ہیں۔
مزید پڑھیں: وادی تیراہ سے لوگوں کی نقل مکانی کو فوج سے جوڑنا سراسر غلط ہے، وزیر اطلاعات عطااللہ تارڑ
ایک سوال کے جواب میں انہوں نے کہاکہ وزیراعلیٰ سہیل آفریدی فلمی ڈائیلاگ بول رہے ہیں، ان کی خود کو مارنے والی بات پشتو یا پنجاب فلم کا اسکرپٹ لگتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تیراہ نقل مکانی خواجہ آصف دہشتگردی آپریشن وزیر دفاع وفاق فنڈز وی نیوز.
ذریعہ
ذریعہ: WE News
کلیدی لفظ: تیراہ نقل مکانی خواجہ ا صف دہشتگردی ا پریشن وزیر دفاع وفاق فنڈز وی نیوز خیبرپختونخوا میں انہوں نے کہاکہ خواجہ ا صف وزیر دفاع
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا