سانحہ گل پلازہ کو بچے سے جوڑ کر سندھ حکومت و قابض میئر جان نہیں چھڑا سکتے، منعم ظفر
اشاعت کی تاریخ: 28th, January 2026 GMT
میڈیا سے گفتگو میں جماعت اسلامی کراچی کے امیر نے کہا کہ ہمارا پہلے دن سے مطالبہ ہے کہ سانحہ گل پلازہ پر ہائیکورٹ کے جج کی سربراہی میں جوڈیشل کمیشن بنایا جائے۔ اسلام ٹائمز۔ جماعت اسلامی کراچی کے امیر منعم ظفر خان کا کہنا ہے کہ سانحہ گل پلازہ میں خوفناک آگ کو بچے سے جوڑ کر سندھ حکومت و قابض میئر اپنی جان نہیں چھڑا سکتے، ان خیالات کا اظہار انہوں نے جماعت اسلامی کے تحت یکم فروری کو 3 بجے دن کراچی میں شاہراہ فیصل پر ہونے والے عظیم الشان اور تاریخی ”جینے دو کراچی مارچ“ کے سلسلے میں حیدری مارکیٹ پر قائم کیمپ کے دورے کے موقع پر کیا۔ اس موقع پر انہوں نے تاجروں و دوکانداروں سے ملاقاتیں کیں اور ان کو مارچ میں شرکت کی دعوت دی، تاجروں نے ”جینے دو کراچی مارچ“ کی مکمل حمایت و تائید کرتے ہوئے مکمل تعاون اور شرکت کی یقین دہانی کرائی۔
میڈیا سے گفتگو میں منعم ظفر خان نے کہا کہ گل پلازہ میں خوفناک آتشزدگی اور 80 سے زائد انسانی جانوں، املاک اور مال کے ضیاع کو ایک بچے سے جوڑ کر سندھ حکومت، قابض میئر اپنی ذمہ داری سے جان نہیں چھڑا سکتے، کمشنر کراچی کی سربراہی میں بننے والی کمیٹی فراڈ ہے، خود اس کے ذمہ دار اور جوابدہ ہیں۔ انہوں نے کہا کہ جماعتِ اسلامی کا پہلے دن سے مطالبہ ہے کہ سانحہ گل پلازہ پر ہائیکورٹ کے جج کی سربراہی میں جوڈیشل کمیشن بنایا جائے۔ انہوں نے کہا کہ چار دن تک آگ لگی رہی، حکومتی ادارے انتظار کرتے رہے کہ خود بجھ جائے، سندھ حکومت، میئر کراچی اور اداروں کی نااہلی سب کے سامنے ہے، کراچی کو لاوارث شہر بنا دیا گیا ہے، جماعت اسلامی کراچی کے عوام کو بے یارو مددگار نہیں چھوڑے گی، کراچی کے عوام کا مقدمہ لڑتی رہے گی۔
ذریعہ
ذریعہ: Islam Times
کلیدی لفظ: سانحہ گل پلازہ جماعت اسلامی سندھ حکومت نے کہا کہ کراچی کے انہوں نے
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار