اسلام آباد کی جسٹس کمیٹی کا اہم اجلاس آج ہائیکورٹ میں، اہم فیصلوں کا امکان
اشاعت کی تاریخ: 29th, January 2026 GMT
اسلام آباد کی جسٹس کمیٹی کا اہم اجلاس آج دوپہر 1:30 بجے اسلام آباد ہائیکورٹ میں منعقد ہوگا، جس کی صدارت چیف جسٹس سرفراز ڈوگر کریں گے۔ اجلاس میں ماڈل جیل، جیل اصلاحات، سیف سٹی پراجیکٹ، امن و امان اور مفرور ملزمان کے معاملے پر اہم فیصلے متوقع ہیں۔
اجلاس میں سیکرٹری قانون، سیکرٹری داخلہ، سیکرٹری لاء اینڈ جسٹس کمیشن، ایڈوکیٹ جنرل اسلام آباد، فیڈرل پراسیکیوٹر جنرل، چیف کمشنر اور ڈسٹرکٹ و سیشن ججز بھی شریک ہوں گے۔ اسلام آباد کے آئی جی بھی اجلاس میں شامل ہوں گے۔
یہ بھی پڑھیں:جوڈیشل کمیشن کا اجلاس: سندھ ہائیکورٹ کے 10 ایڈیشنل ججز مستقل، 2 کو 6 ماہ کی توسیع
جسٹس کمیٹی اجلاس کا ایجنڈا جاری کر دیا گیا ہے۔ اجلاس میں اسلام آباد میں ماڈل جیل کی تعمیر سے متعلق پیش رفت کا جائزہ لیا جائے گا اور منصوبے میں درپیش مسائل کے ساتھ متوقع تکمیل کی تاریخ کا اعلان متوقع ہے۔ اس کے علاوہ، جیل اصلاحات ذیلی کمیٹی اور نیشنل پرزن ریفارم ایکشن پلان پر عملدرآمد کا تفصیلی جائزہ بھی لیا جائے گا۔
اجلاس میں اسلام آباد میں امن و امان کی مجموعی صورتحال اور سیف سٹی پراجیکٹ کے کردار پر تفصیلی بریفنگ دی جائے گی۔ ہائی کورٹ، ڈسٹرکٹ و فیڈرل جوڈیشل کمپلیکس اور جج صاحبان کی رہائش گاہوں کی سیکیورٹی انتظامات کا جائزہ بھی اجلاس میں لیا جائے گا۔
پراسیکیوشن ونگ کی کارکردگی، چالانوں کی صورتحال اور سزاؤں و بریت سے متعلق رپورٹس بھی کمیٹی کے سامنے پیش کی جائیں گی۔ مفرور ملزمان اور عدالتی مفروروں کی مکمل، تصدیق شدہ فہرست پیش کرنے اور ان کے خلاف مؤثر کارروائی پر غور کیا جائے گا۔
یہ بھی پڑھیں:چیف جسٹس یحییٰ آفریدی کے نام صحافیوں کی عالمی تنظیم کا خط، مسئلہ کیا ہے؟
اجلاس میں مفرور ملزمان کی گرفتاری اور عدالتوں میں پیشی یقینی بنانے کے لیے ٹھوس اقدامات، اسلام آباد میں ممکنہ دہشت گردی کے واقعات سے نمٹنے کے لیے فوری حفاظتی اقدامات اور امن و امان کی بہتری کے لیے جدید ٹیکنالوجی اور ڈیجیٹل طریقہ کار کے مؤثر استعمال پر بھی بات ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جسٹس کمیٹی اجلاس جیل اصلاحات سیف سٹی پراجیکٹ.
ذریعہ
ذریعہ: WE News
کلیدی لفظ: جسٹس کمیٹی اجلاس جیل اصلاحات سیف سٹی پراجیکٹ اسلام آباد جسٹس کمیٹی اجلاس میں جائے گا کے لیے
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے