پاک فوج مستقبل کی جنگ کے لیے مکمل تیار، فیلڈ مارشل سید عاصم منیر
اشاعت کی تاریخ: 29th, January 2026 GMT
فیلڈ مارشل سید عاصم منیر نے اس عزم کا اعادہ کیا کہ پاکستان کی مسلح افواج ملک کی خودمختاری اور علاقائی سالمیت کے دفاع کے لیے ہر وقت مکمل طور پر تیار ہیں۔
چیف آف آرمی اسٹاف اور چیف آف ڈیفنس فورس فیلڈ مارشل سید عاصم منیر نشانِ امتیاز (ملٹری)، ہلالِ جرأت نے بہاولپور گیریژن کا دورہ کیا، جہاں انہیں کور کی آپریشنل، تربیتی اور انتظامی سرگرمیوں پر تفصیلی بریفنگ دی گئی۔ بریفنگ میں خاص طور پر ملٹی ڈومین وارفیئر (متعدد محاذوں پر جنگ) کی تیاریوں پر توجہ دی گئی۔
ہائی انٹینسٹی فیلڈ ایکسرسائز کا مشاہدہچیف آف آرمی اسٹاف اور چیف آف ڈیفنس فورس نے خیرپور ٹامیوالی (KPT) کے مقام پر ہونے والی ہائی انٹینسٹی فیلڈ مشق ’اسٹیڈ فاسٹ ریزولو‘ کا مشاہدہ کیا۔
اس مشق میں جدید اور خصوصی ٹیکنالوجیز کا عملی مظاہرہ کیا گیا، جن میں بغیر پائلٹ فضائی نظام (ڈروز)، جدید نگرانی کے آلات، الیکٹرانک وارفیئر سسٹمز اور جدید کمانڈ اینڈ کنٹرول نظام شامل تھے، جو اس بات کی عکاسی کرتے ہیں کہ پاکستان کی مسلح افواج ٹیکنالوجی پر مبنی ملٹی ڈومین آپریشنز کو بھرپور اہمیت دے رہی ہیں۔
جوانوں سے خطاب کرتے ہوئے فیلڈ مارشل سید عاصم منیر نے ان کے بلند حوصلے، پیشہ ورانہ مہارت اور آپریشنل تیاری کو سراہا۔ انہوں نے اس عزم کا اعادہ کیا کہ پاکستان کی مسلح افواج ملک کی خودمختاری اور علاقائی سالمیت کے دفاع کے لیے ہر وقت مکمل طور پر تیار ہیں۔
انہوں نے مستقبل کے جنگی ماحول اور سیکیورٹی چیلنجز سے نمٹنے کے لیے اعلیٰ سطح کی تیاری برقرار رکھنے کی ضرورت پر زور دیا۔
مستقبل کی جنگ اور ٹیکنالوجیچیف آف آرمی اسٹاف اور چیف آف ڈیفنس فورس نے کہا کہ پاکستان کی مسلح افواج متعدد شعبوں میں بڑے پیمانے پر تبدیلی کے عمل سے گزر رہی ہیں۔
انہوں نے کہا کہ جنگ کی نوعیت میں نمایاں تبدیلی آ چکی ہے، جہاں ٹیکنالوجی نے فیصلہ کن کردار اختیار کر لیا ہے اور اس کے لیے تمام سطحوں پر ذہنی تبدیلی ناگزیر ہو گئی ہے۔
انہوں نے واضح کیا کہ مستقبل میں ٹیکنالوجیکل چالیں (Technological Manoeuvres) جسمانی نقل و حرکت کی جگہ لیں گی اور حملہ و دفاع کے طریقہ کار کو بنیادی طور پر تبدیل کر دیں گی۔
اسی لیے پاکستان کی مسلح افواج تیزی سے جدید ٹیکنالوجی کو اپناتے اور اپنی صلاحیتوں میں شامل کر رہی ہیں۔
اس عمل میں جدت (Innovation)، مقامی سطح پر تیاری (Indigenisation)، حالات کے مطابق ڈھلنے کی صلاحیت (Adaptation) بنیادی ستون رہیں گے۔
اس سے قبل، فیلڈ مارشل سید عاصم منیر نے روہی ای اسکلز لرننگ حب (STP) کا افتتاح کیا، جس کا مقصد خصوصاً جنوبی پنجاب اور ملک بھر کے طلبہ کے لیے ڈیجیٹل مہارتوں اور جدید تعلیم کے مواقع فراہم کرنا ہے۔
انہوں نے آرمی پبلک اسکول عباسیہ کیمپس کا بھی افتتاح کیا، جس سے پاکستان آرمی کے معیاری تعلیم اور کردار سازی کے عزم کی توثیق ہوتی ہے۔
ای ایم ای ریجنل ورکشاپ کا دورہبعد ازاں، چیف آف آرمی اسٹاف اور چیف آف ڈیفنس فورس نے ای ایم ای ریجنل ورکشاپ کا دورہ کیا، جہاں انہیں جدید پلیٹ فارمز کی دیکھ بھال، جدید ٹیکنالوجی کے ذریعے مینٹیننس، مقامی سطح پر تیاری اور دیگر جنگی معاون اقدامات سے متعلق بریفنگ دی گئی۔
شہداء کو خراجِ عقیدتاس سے قبل بہاولپور گیریژن پہنچنے پر کور کمانڈر بہاولپور نے چیف آف آرمی اسٹاف اور چیف آف ڈیفنس فورس کا استقبال کیا۔
انہوں نے یادگارِ شہداء پر پھولوں کی چادر چڑھائی اور فاتحہ خوانی کی، اور وطن کے لیے جانوں کا نذرانہ پیش کرنے والے شہداء کو عقیدت کا خراج پیش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: چیف آف آرمی اسٹاف اور چیف آف ڈیفنس فورس فیلڈ مارشل سید عاصم منیر کہ پاکستان کی مسلح افواج انہوں نے کے لیے
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا