پاکستان اسٹیل مل کے اثاثے فروخت کرنے کا فیصلہ
اشاعت کی تاریخ: 29th, January 2026 GMT
ویب ڈیسک: چوری کے بڑھتے ہوئے واقعات کے باعث پاکستان اسٹیل ملز کے بعض اثاثے فروخت کرنے کا فیصلہ کر لیا گیا ہے۔
قومی اسمبلی کی ذیلی کمیٹی برائے صنعت و پیداوار کے اجلاس کو آگاہ کیا گیا کہ پاکستان اسٹیل ملز کی 11 کے وی بجلی کی تاریں تک چوری ہو چکی ہیں، جس سے ادارے کو شدید مالی اور انتظامی مشکلات کا سامنا ہے۔
حکام نے مزید انکشاف کیا کہ بند ہونے کے باوجود پاکستان اسٹیل ملز کو ساڑھے 27 کروڑ روپے کا بجلی کا بل موصول ہوا، جبکہ گزشتہ ماہ اڑھائی کروڑ روپے کی ادائیگی بھی کی گئی۔
پشاوربورڈ نے میٹرک امتحانات کے شیڈول کا اعلان کردیا
اجلاس میں بتایا گیا کہ چوری کے بڑھتے ہوئے خطرات کے باعث بعض قیمتی اثاثے نیلام کیے جا رہے ہیں تاکہ مزید نقصان سے بچا جا سکے اور صورتحال کو کنٹرول میں رکھا جا سکے۔
ذریعہ
ذریعہ: City 42
کلیدی لفظ: پاکستان اسٹیل
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا