افغانستان میں میڈیا سپورٹ تنظیموں کے پرمٹ منسوخ، ایمنسٹی انٹرنیشنل کا سخت ردعمل
اشاعت کی تاریخ: 29th, January 2026 GMT
اسلام آباد (طارق محمود سمیر)افغان طالبان حکومت نے اظہارِ رائے کی آزادی پر مزید قدغنیں عائد کرتے ہوئے میڈیا پر دباؤ بڑھا دیا ہے۔ ذرائع ابلاغ پر پہلے سے عائد پابندیوں کے بعد اب میڈیا سپورٹ تنظیموں کے پرمٹ بھی منسوخ کر دیے گئے ہیں، جس پر ایمنسٹی انٹرنیشنل نے شدید ردعمل ظاہر کیا ہے۔
ایمنسٹی انٹرنیشنل کے مطابق یہ اقدامات افغانستان میں آزادی اظہار رائے کو دبانے اور میڈیا پر مکمل کنٹرول قائم کرنے کی ایک منظم اور مذموم کوشش کا حصہ ہیں۔ تنظیم کا کہنا ہے کہ طالبان حکومت کے دور میں میڈیا سپورٹ ادارے پہلے ہی دھمکیوں، سخت پابندیوں اور سنگین مالی مشکلات کا سامنا کر رہے ہیں۔
ایمنسٹی انٹرنیشنل نے واضح کیا کہ طالبان کے یہ انتہا پسندانہ اقدامات میڈیا کو زیادہ مؤثر اور منظم بنانے کے دعوؤں کے بالکل برعکس ہیں اور درحقیقت آزاد صحافت کو خاموش کرانے کی کوشش ہیں۔
ماہرین کے مطابق افغان طالبان رجیم کی آمرانہ سوچ اور غیر منصفانہ فیصلوں نے آزاد میڈیا کو شدید خطرات سے دوچار کر دیا ہے، جس کے نتیجے میں صحافت مزید غیر محفوظ ہو چکی ہے۔ ان کا کہنا ہے کہ طالبان حکومت جوابدہی، شفافیت اور انسانی حقوق کی خلاف ورزیوں کو دبانے اور اپنی ناکامیوں کو چھپانے کے لیے میڈیا پر شکنجہ مسلسل مضبوط کر رہی ہے۔
ماہرین کا مزید کہنا ہے کہ افغانستان میں میڈیا پر عائد پابندیاں ایک سوچے سمجھے منصوبے کے تحت سچ، اختلافِ رائے اور عوامی شعور کو ختم کرنے کی خطرناک کوشش ہیں، جو ملک میں آزادیوں کے مستقبل کے لیے ایک سنگین خطرہ بن چکی ہیں۔
ذریعہ
ذریعہ: Daily Mumtaz
کلیدی لفظ: ایمنسٹی انٹرنیشنل میڈیا پر
پڑھیں:
میں بالکل ٹھیک اور صحت مند ہوں؛گلوکارہ طاہرہ سید کی سوشل میڈیا افواہوں کی تردید
گلوکارہ طاہرہ سید نے اپنے حوالے سے سوشل میڈیا پر چلنے والی خبروں پر تردیدی بیان جاری کر دیا۔گلوکارہ کاکہناتھا کہ میں بالکل ٹھیک ٹھاک اور صحت مند ہوں ۔ تفصیلات کے مطابق گلوکارہ طاہرہ سید کے انتقال کے حوالے سے خبر جھوٹی اور افواہ ہے جو سوشل میڈیا پر پھیلائی جا رہی تھی۔ طاہرہ سید کاکہنا ہے کہ وہ امریکا میں بالکل خیریت سے ہیں اور صحت مند ہیں۔ انہوں نے خود ویڈیو بیان میں ان افواہوں کو فیک نیوز قرار دیتے ہوئے کہا ہے کہ "میری صحت کے بارے میں افواہ پھیلائی گئی ہے، میں بالکل صحت مند ہوں"۔ یادرہے کہ طاہرہ سید (ولادت 1958ء لاہور) پاکستان کی مشہور غزل اور لوک گلوکارہ ہیں، جن کی آواز آج بھی مقبول ہے،وہ ملکہ پکھراج کی بیٹی ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے